呢球波我呢個禮拜睇左過百次, 都仍然仲feel到嗰種震撼.... 喺呢一季幾球隊咁多嘅失望之中, 見到呢球, 真係成個人都開心返!!
首先make sure左自己處於冇越位嘅位置, 後面幾個隊友正要埋去jose到幫手, 佢已經即刻意識到應該要點做.... 揀啱時機起動, 先羸左個守衛, 佔得先機, 可以出現係最佳嘅位置. 而當時一路全速跑緊, 仲要有人喺後面跟到實, 然後個波老遠飛埋黎, 佢膊頭同個胸肌之間嘅位置一控, 直頭好似放左軟墊咁, 將個波拎落黎, 仲要擺都冇靚, 放到喺正跑動緊嘅自己嘅前面, 同時間要頂住守衛之餘, 一個小小嘅變速, 個波落到黎隻腳輕輕一扭, 帶埋個波改變少少方向, 順便就連人帶波避過出迎嘅龍門, 送入網窩....
呢d咪正正係點解我鍾意睇波囉, 睇到一球呢d咁嘅金球, 已經抵返睇左幾十場嘅0-0呀!!
老套都要講句, 好波不妨一睇再睇.... 一睇再睇.... 一睇再睇.... 一睇再睇....