不過……有一則壞消息。
尋晚買蝦個陣，諗住個缸底D沙都有D污穢，不如買條細細地既「古B」黎清下D垃圾啦。咁就指住條古B話要。
然後又諗，古B清沙面者，沙底都係唔得架。上次條紅龍又買唔到，就問個老細有冇紅龍。佢二話不說，一手伸入個缸到係咁了個沙底，了到反哂缸咁，又比佢了到條紅龍出黎。嘩，咁既服務態度，點可以唔幫趁呀！包起佢唔該。
疑？有條天皇仙喎。之前三次想買都買唔到，今次唔好走雞呀。唔該，呢條哎。
嘩嘩嘩，D石美人好靚喎，又細細條，岩我個缸喎。一條哎。
「疑，呢條咩蝶？」
「豆豉蝶。」
「好靚喎。」
「豆豉又貴又難養，唔岩你。」
「咁咩岩我？」
「虎紋啦。條冬冬瓜都OK，另外個條XX都好粗生。」
「好，好，好。咁我要呢條同呢條…」
「疑，條羽毛刀咁細條，好少見喎。粗生嘛？」
「一般啦。」
「呢條唔該。」
「幾錢？」「XXXX啦」
「嘩，咁平，抵呀………弊！我個新缸黎……」
「開左幾多個月？」
「個零月……」
「個零月你一次過加咁多魚？你準備反缸都得啦你！」
「下！！！咁……咁……咁……唔要得唔得？」
「包哂哂囉喎………」
結果，勉強CUT左三條，但仍然要一次過加左兩隻蝦，一條古B、一條紅龍、一條石美人，一條天皇仙、一條羽毛刀………
今次大煲。
