好耐都冇喺到正式傾過下隊波.... 見到人地車仔半季有咁大個post咁精彩, 等我都少少地講下對sunderland呢場波先~~
其實呢場波可以話係我地今季打得最好嘅比賽.... 同之前大炒fulham, qpr唔同, 嗰兩場明顯對手真係冇質素, 冇打法安排, 但sunderland唔同, 真係有備而來, 但我地終於可以好似d強隊主場作賽咁, 半場就可以強勢建立到一個領先優勢, 係你唔會擔心下半場會俾人追得返嗰隻嘅局勢. 究竟呢場做左d咩調整呢?
呢個係我地今場球員嘅企位:
同之前一樣嘅係, 兩閘繼續push forward到一個位, 係基本上係打緊一個邊路中場咁. 但, 可以見到係最明顯嘅改變, 係將lucas比之前拉後左, 同埋兩個中堅企得近左. 對villa同對stoke失利, 主因就係兩個中堅好似barca咁企開, 差唔多去到兩閘咁遠, 防中又墮得唔夠後, 而對方兩個箭頭的話我地中間就會空晒任人地發揮.... 而今次, 將中間嘅空間收窄左, 就更有效cut off對方中路打入黎嘅波. 今場係早段俾mcclean one-two爆左入去一次, 同埋有一次俾人頭槌攻門之外, 其餘時間都守得ok. 中路更只得剛才提到嘅mcclean嘅一次攻門.
至於中前場, 防中前面一如往常咁, 擺左一個playmaker, 一個runner. 同正常排陣唔同嘅係, 個runner其實係喺個playmaker前面, 所以更加見到hendo個重要性, 同埋再一次證明點解shelvey唔可以同gerrard同場上陣打中間. 有左hendo不斷嘅迫搶, 對方好多時都唔可以拎定個波落黎諗點做, 而迫住盡快作出決定, 結果一次又一次俾失. 有hendo喺前面掃, gerrard反而多左空間, 多左時間去做選擇, 所以今場d分波都好左~~ hendo就好似一個防守型攻中 (BR上身....) 咁, 佢嘅存在, 再一次令到成隊波run得比之前順, 真係幾特別. 如果佢可以將佢d potential再發揮埋出黎, 真係不得了~~
downing, hendo 同suarez漸見有默契, 亦都係令中前場進攻時有效率得多嘅主因. 第三球入球, downing個斜直線走位真係一絕 (如果睇live冇留息, 請你睇多次!!) 一野拉開人地個中路防守, 加上gerrard妙傳, 落到suarez腳下, 根本冇第二個結果~~ 呢球亦再一次證明左其實suarez打中路前鋒位係適合嘅. 所以有埋sturridge之後, 前線三個都可以好浮動咁, 有人拉左邊, 就有人可以填入去中路, 呢個效果都幾令人期待!!
出黎效果就係咁 - 睇下sunderlan班中前場, 俾我地d人d走位拉到佢地企位都亂晒~~
喺sturridge post都提過, 與其話學似barca打法, 倒不如話係似ajax95年打法更貼切.
睇下兩隊企位個compare:
你會見到, 個相似度係幾高下~~ lucas drop back, 兩邊wing back push forward, 前面就兩個 inside forwards 輔助個false nine. 當然啦, 當年人地個攻中位係列馬倫, 同我地而家hendo真係差好遠好遠.... 但其他位, 打起上黎係好相似 - 兩個cb + lucas cover由於企得近左, 方便cover返成個後半場中路防守, 亦可以俾兩閘更放心上前助攻. 失左個球嘅時候, 兩隻閘+hendo + 前面3個, 6個人迫上去搶波, 亦會更有效搶返個波返黎~~
pepe都好重要, 有佢咁好嘅策動攻勢嘅眼光, 一拎到波就可以第一時間反擊, long throw俾兩邊inside forward就可以快爆對方, 所以點解BR咁鍾意喺嗰兩個位擺兩隻"inverted wingers" (即係左腳打右, 右腳打左), 就係方便反擊時, 可以選擇自己射或者傳, 同埋更方便交叉走位. 只要兩翼夠快就可以~~ 呢一點係同barca個system最大嘅唔同之處.
所以你會見到, 其實呢個陣式, 如果演繹得好, 其實係好balance嘅一個陣:
all photos courtesy from phaseofplay @ rawk, thank you so much~~