其實所謂好,係比較出黎既者。我講利記對熱刺個場踢得好,係比較利記以往既表現。唔係話佢個場踢得比熱刺好。事實上,利物浦個場踢出黎既表現大家有目共睹!進攻流暢而多變化,組織有層次,唔係下下高Q 大腳吊個波上去前面等前鋒衝。中場上腳時間多左,個人突破次數多左,進攻球員之間既配合有默契,呢D 全部都係我認為利記踢得好既地方!
用番呢幾樣野去睇今場既利記表現,優劣立判吧?!仲要上場個對手係熱刺,今場既對手係修咸頓。我唔知你認唔認同,我自己就好肯定呢兩隊波係兩個LEVEL 既球隊,熱刺點睇都比修咸頓強兩班。但對住強隊熱刺,我地反而打得咁放咁流暢,點解對住宜家仲未跳出降班旋渦既修咸頓,會打到走哂樣?我唔會否認修咸頓打得好,但我好肯定今場既失敗,七成既原因係自己打得差!
個場計,兩隊50/50,各有佔優既時間。但熱刺兩次致命既失誤就成就利記既勝利。失誤當然係表現差劣既一部分。所以輸呢場波,熱刺亦無話可說吧。但整隊計,熱刺呢場既表現亦算係唔錯。至少有一段時間佢係壓番利記黎打的。
但熱刺對富咸呢場,你唔會認為佢打得好吧?