引用第2056樓klinsmannabc於2009-04-06 20:29發表的“”:
呃…其實我有個問題想問好耐…
可能其他兄弟都想問
點解團長會搵我地入黎LEGEND [表情] ?
其實你呢個問題，之前都有團員私底下問過我。
其實點解要組團玩ELB，因為我真係覺得ELB 愈黎愈僵化。再無D 新元素注入去，遲早死。睇番幾個舊團隊，都有一個共通毛病，就係吸納完舊人之後，已經再無位比新人。就算有，都係得一個半個。問題係，舊人之中，其實有一半係無玩YFF好耐。佢地埋班純粹係一種歸屬現象。即係，XXX 又開班囉喎，咁我一向係成員，點都要番黎支持下既。但完左個GAME 後，佢地又會離開YFF。即係，作為YFF 既附屬遊戲，係呢個情況下，ELB 既不能滿足現有YFF既玩家既需要，亦未必可以做到事後活化YFF 版既作用。遊戲一完，全員四散，YFF 又人流又會變番少。而一大班中級、高級會員亦未必可以透過呢個遊戲結識更多其他玩家，或者令佢地更投入好友論壇，更樂意周圍吹水。
但呢D 先係我地當年攪ELB 既目的嘛。宜家咪變左本未倒置？
所以今屆我不斷鼓勵大家開新組，一來可以令個遊戲更熱鬧，二來可以注入更多新既元素。事實上，今屆既ELB ，的確幾「噓陷」，十分熱鬧！可見多D 新會員參加呢個遊戲，對YFF，甚至對論壇而言都係好事。咁我叫得人開，自己插手係袋又講唔通既。所以好早期我其實已經構思開新組。而新組既成員，一定係以以前從來未玩過ELB 既中、高級會員為目標。我希望可以破舊立新，為ELB 帶黎一個新景象。所以成員都要一律新！新！新！
咁當然，我一個人又無本事帶住成團新人作賽既。我十分贊同幽遊白書妖狐藏馬既策略：團隊既成功關鍵，往往並非取決於首領，而係副手。所以未宣佈組隊之前，我已經第一時間搵左火兄做軍師。有佢出錢出力拍住上，我信心大增。然後就開始物色新團員。
我搵團員既標準好簡單。我唔駛佢係YFF 排名好高，好叻。最重要係投入！無左呢樣野，咩都假。所以我揀人，一定係平時活躍於YFF 版，積極參予討論既。問陣唔係淨係識問人買A 定B，而係有個人見解，獨立既思考能力！我唔希望成團人跟哂幾個阿頭去買人。咁唔好玩。最好大家意見有分歧，討論到鬧埋交都仲得！係激烈既討論中，先可以活化團隊既生命力！加強大家既投入程度。事實證明，我地成團人既參予度都好高，大家都好投入係個遊戲到。羸左故然開心，就算輸左，相信大家係入面都享受左一場精采既遊戲。呢個更加重要。
TEAM SPIRIT係我一向最推崇既！我亦希望我既團體能夠做到呢一點！而事實上，我地做到了！賽事未開始，我地意外得搵到個設計師番黎，LENNON幫我地整左好靚好靚既LOGO！賽事結束，我地又有GABE 幫手計分，做人人都唔願做既苦差！呢D無私既貢獻既重要性，絕對唔會低過取得高分！每個人都係佢既位置上盡忠職守，就會為團隊帶黎最大既推動力。史丹利獨到既分析，火兄精確既數據，老狐所向披靡既「大悲咒」，所有成員努力既作賽，短短七日就全部約戰完成（除左團長……），呢D全部都係我地取得成功既關鍵所在！
希望係黎緊既LS，我地繼續可以保持團隊既合作性同積極性。為LEGEND延績佢既傳奇一頁。
[ 本文被freezefox在2009-04-08 12:02重新編輯 ]
