旅遊版既另一個作用就係紀錄。
旅遊既資訊時限性可以好長。所以旅遊版其實無所謂推舊POST 的。因為一年前或兩年前你去過某地。今日我想問番你野，就會入去睇你既POST 兼係個到問你意見。係好友們想搵番適合既人黎問野既非常方便既渠道。例如睇番原來某位舊會員前年去過呢到喎。又見到某位會員岩岩上個月又去左呢到喎。D 料有部分好有用。但仲有更多地方要補充或者另外發問。咁旅遊版就可以比到我地一個平台去分享呢類時限性甚長既資訊。唔會咁容易被其他TOPIC 淹沒！唔會令好多好有用好有心機寫出黎既文章被人遺忘。呢個係設立好友旅遊版既考量。
另外，幾年後，我地自己睇番，見到好友既足跡遍及全世界，未嘗唔係一件樂事。呢d 同你睇其他旅遊論壇個陣感覺係好唔同的。個d ，你睇左只會覺得係「人地既事」。感覺好疏離。係好友睇番自己好友既遊記，感覺係睇緊自己朋友既遊記，睇緊一個你識既人，甚至同你食過好多次飯既朋友既遊記。投入好多的。
