小時候放學回家看《美少女戰士》，
是每天最期待的事。
但內容我差不多全都忘記了，
就記得月野兔戰鬥得累時，
說了一句，意思大約是：
我只想做一個普通女孩，
和朋友玩，談戀愛，
為什麼要這樣辛苦戰鬥保衛地球呢？
我那時覺得，妳是被選中的人，
應該要覺得幸運吧？
自小就不甘平凡的我，
很自然的有這個想法。
但是，喂，你明白嗎，
日日打怪獸好累㗎。
仲要打極都仲有，
你以爲打完可以休息一下？
有一隻更強更恐怖的在等你。
這時，拖著超疲累身軀的我，
有一刻想起：天降大任於斯人也，
必先勞其筋骨，餓其體膚。
我除了不是很餓，筋骨都夠操勞了吧😩
讀書時勤力到極點，捱夜，年輕的我可以。
讀埋個碩士，畢業後以為可以休息下，
假都冇放走左去德國實習，
走之前已經見左份工，
預定番黎之後即刻番工。
番工後公司唔夠人日日OT ,
平均23:30先走，
而且所有annual leave 我都用來做模特兒賺錢。之後我離開公司，
開始計劃KanaLili,
設計打雜sales 見客模特兒乜都係我，
喂呀，月野兔都有水野亞美幫手諗下野，
真琴力大無窮幫手搬下野呀，
我一人分別扮演所有人，
仲有諗野掃地執野賺錢計數😐
畫畫設計跟單影相出post寫書呢？
然後仲要行出黎撥一撥頭髮，
冷靜說一句：well ~我都係勤力姐∼
事前是做了十幾個鐘野披頭散髮不化妝，
極速整理好自己走出來（扮哂）effortless ,
我勤力過工蜂但又要突然變queen bee 。
之後好彩我都有小Amy 幫幫手，
但係！好多怪獸仍然要自己打。
明明每天都在進步仍然覺得好吃力，
天啊，我有時其實好羨慕頭腦簡單，
腦裡面剩係得食，訓同拍拖打扮的女生。
佢地先係生活
