leoleo_leoleo:見到fb利物浦球迷fans page,大多數都希望賣suarez.
你地呢? ?
老老實實,上季dive, complain, 已經收斂好多。而且差印像已經令他得不到一些應得的罰球。點知,依家又來咬人
.......
(2014-06-25 10:31)
YNWA (it's in our genes!) - definitely supporting Suarez
撐, 唔等如覺得佢不應受罰. 佢而家最需要嘅係help, 所以唔贊成離棄佢
睇見完場嗰刻, 隊友個個好開心, 擁作一團, 但佢就冇咩表情咁慢慢自己行過去, 我覺得佢都意識到發生左咩事, 內心有"知衰"的感覺. 我會相信嗰下係真係衝動, 係一個honest mistake, 可能真係控制唔到自己 (有少少似係一d心理病咁). 咁起碼相比起一d早有預謀 / 有意識嘅行為, 例如你提到嗰d 眼尾望完人地喺邊再elbow人地, 收山腳, 或者係kung fu kick, 同埋亂搞男女關係之類.... 我覺得佢呢個比爭勝心蒙敝嘅honest mistake更值得體諒, 理解同埋幫助. 比起嗰d球員, 我亦更願意相信佢嘅人格.
所以, 犯錯就要受罰, 我絕對贊成佢要為呢次行為負上相應懲罰, 而且因為唔係初犯, 佢將要承受比上次更多大眾嘅口誅筆伐. 我認為, 佢呢個行為, 判為violent conduct係好應該, 同過勇而無心嘅紅牌飛鏟同一類, 只不過形式上少見而令大家覺得怪異咁解. 但如果個判罰考慮埋佢嘅"震驚指數", "怪異指數", 又或者之後隨之而來嘅大篇幅加鹽加醋, 我就唔認同了.... 亦都不厭其煩講多次, 咁講唔係要幫佢開脫d咩, 只係個人睇法 (加上佢係我地一份子呢個因素) 而已.