下面是引用sun於2006-02-22 11:43發表的:
咁點解唔將佢磨成小粉粒呢??
未好容易食囉...
細得滯咁又輪到其他魚食唔飽。同埋太細，係水到飄浮，d魚食唔到既話，就好易沉哂底，到時又會污染d水（我估者）。
其實宜家都已經好細，同「粉粒」都相差無幾。
只要條魚肯開口試。食得第一次，就會好易食第二次。分量亦會愈黎愈多。
養咸水魚同淡水魚最大既分別就係呢樣。養淡水魚既，從來無人擔心d魚唔食野，只擔心食得太多飽死。但咸水魚，好多都好難開口。買到條肯開口既，有時都要靠彩數。
好似石美人呢類魚，因為平，又幾靚，新手舊手都會買黎養。但好多時都養唔到。就係因為唔開口。個日係間鋪到同d人吹下水，有個客養魚都養左好耐下，佢話我知，石美人都試過買十幾條。無條肯開口。岩岩上個星期買個條，終於肯開口。佢開心到好似中獎咁………
所以如果我第一次買石美人就比我養到佢開口，養得長既，我都算幾好彩。
