K.B:我都覺得其實佢同之前係有d唔同 脾氣亦好左d
起馬肯追波幫手迫搶 有下係右路俾3,4個圍住都hold到個波係好好既
.......
(2014-09-28 00:54)
我覺得巴神好適合WOR, 佢越打越好, 佢打中鋒好有牽制作用.中鋒唔係下下落禁區頂波, 你估仲係以前咩, 同埋我地冇咩本錢打中鋒高空轟炸,加上打高空轟炸係得當時既史篤城係成功同埋係唔會令隊波有咩進步.
巴神打中鋒我已經覺得佢做到好多中鋒要做既野, 你話成1見佢出黎拎波, 但係佢有好多時起禁區等左好耐都冇人比到波佢, 好似上場對維拉, 我睇左好耐, 好多時佢起禁區,但D隊友都係出面猜猜猜,冇一D直線波比到出黎.
打中鋒冇波果時就要出黎拎波, 咁做一黎可以引到人地中堅跟你, 二黎可以帶多D空間比隊友插入, 佢唔係一味拎沒就自己去, 雖然今場多D, 但佢都成人分波比球友, 我覺得佢分波既視野比好多人更好, 衰D講,我覺得有D隊友跟唔上佢足球智慧, 例如有時佢比D波同走位,隊友又冇作出適當反應.
利記依幾場咁差, 羅SIR好大責任, 上場換走盧卡斯成隊就生左, 證明佢第一個調動係冇用的.第二重用沙高, 今場冇左佢,起碼後場波比到人一種少少既安全感,唔知大家有冇留意, 沙高比波果時, 隻腳次次都鎖得好死,好似好驚比失波咁,冇D信心.
另外就係, 今場其實馬高域打得好麻麻, 好多波或機會都係自己撞下撞咁失左, 打3箭頭,廢左個, 威力就大減.
上林拔唔覺有咩用, 除非打雙箭頭, 林拔打中鋒唔覺得好過巴神, 反而速度拖慢左.
今場換走巴神都係有少少敗筆, 留佢起庮, 人地都要防一防佢, 怕佢D反擊,點知仲希十分鐘左右, 又係換走佢, 上場又係, 波仔踢得生果時又係換林拔出黎, 2場都證明得果咁短時間,佢係對隊波冇咩作用.但羅SIR都係因為換而換.
如果今場馬高域個位係史獨,應該會好D.
[ 此帖被utadahikaru20在2014-09-28 03:37重新編輯 ]