返屋企忍唔住睇哂成場. 1:0小勝, 3分又到手
成場又係得C10帶波, 加有時Ibe邊線想推, 兩個其實都好多大意波, 唔係話特別出色. 相比下, Lalala成日想佢造波, 但真係見唔到有貨, 我覺得見最多係佢走空位接應, 中路俾個波佢基本上同工兵作用差不多, 次次都係橫傳同比邊, 有D失望.
中場中兩件, 我覺得Milner > Henderson, 下半場換軒仔唔知咩事? 唔覺有傷. 換入Can後, 一般喇, 不過始終係佢頭一兩場, 之後再留意.
後面兩翼依然防守ok, 但我其實期望今場佢場會有好多機會做overlap run, 拍住翼鋒上, 但基本上左右都係未夾唔到住. 又要講返Lalala, 其實得Ibe一邊翼, 另一邊冇人上.
前面Benteke就越打越有feel, 打起咗信心, 正!! Firmino就.......換入黎後個20分鐘我覺得係失咗縱.
講真比較Moreno一入黎就cher住去想爭正選既心態, 又前又後, Firmino身上睇唔到. 當然只係幾十分鐘唔能夠作準. 都係果句, 有少少失望, 因為對緊既只係Bournemouth.
仲以為返黎會有起碼3:0睇下!