◤紅軍研究所◢ - ☆ You'll Never Walk Alone ☆ 永不言敗！ [復制鏈接]

c10 依球入波好有美斯feel

ttaal68:c10 依球入波好有美斯feel[表情] [表情]  (2016-03-18 04:54) 

阿蘇再現, 越窄越有機  

朗癲

1:1收工, 進級!

  

            
            
            

夢幻對決

高普實實在在係一個不可多得的好領隊：



http://www.liverpoolecho.co.uk/sport/football/football-news/dejan-lovren-jurgen-klopp-rescued-11052813

我並不反羅，但無可否認，羅渣士做唔到或者無去做既野，高普做到。路夫蘭係咪真係可以翻生，仲需要時間去證明。但多名係羅SIR 年代打到一沉不起甚至苦無機會既球員宜家既表現的確令人眼前一亮。唔單止係LALALA，連踢都無得踢既祖阿倫都表現可人。最緊要係，高普好重視青訓，肯比機會後生仔。呢樣對球會未來既發展實在係好重要。

老老實實，冠軍得一個。隊隊都話無冠就炒領隊既話，年年要炒19個。我寧願有一個可以令球會持續健康發展既好領隊，有左良好既基礎，成績自然會黎。

freezefox:我並不反羅，但無可否認，羅渣士做唔到或者無去做既野，高普做到。路夫蘭係咪真係可以翻生，仲需要時間去證明。但多名係羅SIR 年代打到一沉不起甚至苦無機會既球員宜家既表現的確令人眼前一亮。唔單止係LALALA，連踢都無得踢既祖阿倫都表現可人。最緊要係，高普好重視青訓，肯比機 .. (2016-03-19 11:02) 

我地傳統上買番黎既人, 功力起碼跌三成, 如果佢能夠幫到球員融入隊波, 有番應有的表現, 呢點真係堅.

.......仲要唔係佢揀既人, 只係接咗手  

出線+贏番幾場, 終於有番少少mood, 有D人氣. 網上見到, 估唔到Origi可以幾型!

This is shit... 點解可以咁屎
我接受唔到

救埋十二碼都輸埋凸, 撞鬼, 果然今季英超唔再睇利記係啱既, 心血都健康D.

下半場咩事, 攰?

posouth:救埋十二碼都輸埋凸, 撞鬼, 果然今季英超唔再睇利記係啱既, 心血都健康D.
下半場咩事, 攰?
[表情]  (2016-03-21 00:33) 

中前場其實都齊腳，表現對板！但後防真係無辦法……


路夫蘭唔見得有咩改差。可能分別只係之前極差，宜家無咁差。但都係唔穩陣。


但最令人意想不到既係………後備入替既史基泰爾仲衰………以前都仲話頂得下波。宜家D 高空波輸哂，十球頂唔到兩球。下下爭頂都輸比對手。表現又慌失失……打到好似成個新人咁。血都嘔埋。


米奴列唔駛講，場場都有神救，然後又搭一兩次低能犯錯……你都唔知鬧佢好定讚佢好。穩定性低到喊。



下年一定要買籠門同埋中堅。希望新簽個個史浩克04 中堅有料到啦。