◤紅軍研究所◢ - ☆ You'll Never Walk Alone ☆ 永不言敗！ [復制鏈接]

輸咗歐霸, 如實咁反映咗今季表現. 唔係下下都咁好彩, 好似幾年前贏咗League Cup, 明明排第8都有得踼歐霸.

唔知點講, 輸咗反而好似鬆一口氣, 唔使呃自己話利記仲係強隊咁. 諗起Newsroom入面個句....The first step in solving any problem is recognizing there is one. America is not the greatest country in the world anymore........

高普的確係為我地帶黎希望。半季已經兩次晉身決賽！可惜，兩次都同冠軍擦身而過。

宜家既利物浦，未有將「希望」變成現實既能力………



希望下季可以更好。

要補強

尋日明顯中場唔夠班.

LALALA 同古天奴同場, 人地一迫搶, 就成場波冇波掂..


同埋米拿3係唔夠人搶中場, 可能始終唔係防中位~

如果早一D換阿倫, 可能中場唔會輸得咁慘

上半場係OK 的。CAN、米拿係中間真係掃左好多波，好幾次既反擊都係由佢地做起。LALALA 就無咩特別建樹，古天奴就隱左形。反而法明奴有幾下都過到人，制造到機會。

但下半場係集體走樣。一分鐘失第一球可以話係唔集中，但跟手接二連三比人係中路或兩邊殺入去，完全壓制唔到對手，就係成條中場線既問題。米拿同CAN 突然變得好「緊手」，好避忌咁。唔敢放盡去拍去搶。都唔知驚咩。另外，幾乎所有高波都頂輸哂。係高波都入到黎，係高波都比對手搶哂！呢下真係要命！摩蘭奴只係焦點所在，但唔係問題既根源！佢係有責任，但唔可以只怪佢一個。近排比傳謀讚到飛起既路夫蘭，尋晚既表現就真係乏善足陳了。一味得個燥字。應解圍既解圍唔到，應搶截既搶截唔黎。後防四個我反而覺得佢表現最差。

所以下半場換走法明奴，我有少少唔同意。你唔敢換古天奴都唔出奇，佢係關鍵時刻係有扭轉局勢既能力（可惜尋晚打到最後都係無出現），但至少都換LALALA ，留番法明奴係到哎。無埋法明奴，中場幾乎無人上到腳到過到人，製造唔到空位同機會，就算你放哂奧歷治同賓迪基入黎，無人餵波比佢地，佢地咪又係得個企字。一味係到犯規。

我地真係要買番個高效既防中。要有強大既掃蕩能力同控球能力。好似高基連個類就最正。中堅都係希望新買個件可以盡快融入球隊。宜家班中堅真係好難委以重任。

不過，上半場三個手球都可以唔吹，呢點絕對係關鍵。真係無咩可能………一次半次球證睇唔到就話者。三次都睇唔到？

摩蘭奴只係焦點所在，但唔係問題既根源！佢係有責任，但唔可以只怪佢一個。近排比傳謀讚到飛起既路夫蘭，尋晚既表現就真係乏善足陳了。一味得個燥字。應解圍既解圍唔到，應搶截既搶截唔黎。後防四個我反而覺得佢表現最差。

絕對認同, 不過路夫蘭由未加盟到加盟都話佢未夠班, 唔知點解唔派史生上場.

米拿種掃, 又唔同正宗防中果D, 所以真係要早D換人, 換走LALALA , 換舍中場, 我自己最好係換入阿倫, 起碼唔駛輸哂中場先, 中場係完全冇控過球咁濟, 咁又點做波比前面.


古仔果度, 我同你一樣, 都係估高普覺得佢係有關鍵時刻係有扭轉局勢既能力, 但輸到3比1就應該換了.

平時佢都係打到70分鐘就要換, 因為能力下降, 到到後尾, 佢同LALALA都幫唔防守方面了.

換賓賓, 又係出黎搞事, 犯規多過踢, 仲幫人拖埋時間~~所以話, 你邊班夠. (出黎係咁犯規都唔只第一次)

freezefox:我地真係要買番個高效既防中。要有強大既掃蕩能力同控球能力。好似高基連個類就最正。中堅都係希望新買個件可以盡快融入球隊。宜家班中堅真係好難委以重任。 (2016-05-19 17:16) 

尋日出多個中場我覺得就得了~  

當年賓賓追和AC 都係換夏文出黎唔好輸個中場...

高普應該半場拎先一球就好換一個中場加強力度.


其實上半場係大部份時間捱打, 中場輸哂控球, 輸哂節奏, 但間唔中係有幾下反撃 (因為上半場捱打得黎, 中場都有能力搶斷人傳球)

但下半場比人秒入一球之後, 成隊冇哂信心同鬥心 (可能好多人第一次踢決賽).

但下半場某D球員表現好散慢.....好似唔想追咁...

高普究竟半場講左D咩呢....

我見到有幕佢係咁搖LALALA個頭, 究竟係佢唔滿意佢, 定點....

freezefox:
不過，上半場三個手球都可以唔吹，呢點絕對係關鍵。真係無咩可能………一次半次球證睇唔到就話者。三次都睇唔到？

第一球, 唔睇慢鏡, 我覺得係佢插水, 因為佢太放輕個身.
就算睇慢鏡, 都係覺得太放輕個身 (明明比人隻腳撞到+手球)

史獨傳波果下手球先明顯......

utadahikaru20:摩蘭奴只係焦點所在，但唔係問題既根源！佢係有責任，但唔可以只怪佢一個。近排比傳謀讚到飛起既路夫蘭，尋晚既表現就真係乏善足陳了。一味得個燥字。應解圍既解圍唔到，應搶截既搶截唔黎。後防四個我反而覺得佢表現最差。
絕對認同, 不過路夫蘭由未加盟到加盟都話佢未夠班, 唔知 .. (2016-05-19 17:54) 

因為史基泰爾仲衰…………

utadahikaru20:第一球, 唔睇慢鏡, 我覺得係佢插水, 因為佢太放輕個身.
就算睇慢鏡, 都係覺得太放輕個身 (明明比人隻腳撞到+手球)
史獨傳波果下手球先明顯...... (2016-05-19 18:04) 

第三球真頭離哂大譜。防守球員座到個身咁低，對手竟然係咁樣張開，你當自己打籠咩？個球傳球唔係比佢隻手阻一阻，法明奴係小禁球拎到個波，仲唔入硬？

果球係第三球咩?

第二球係邊球?

utadahikaru20:果球係第三球咩?
第二球係邊球? (2016-05-19 19:22) 

點講比你聽⋯⋯

lovren次次早段拎完黃牌就會打得勁差