大家如果五行欠水，想搵個平平地又有潛質爆上去既球員。我有個推介。
馬高域。4.37
近一兩仗開始受到重用。周中正選出陣打足全場，有入波之餘，評價仲要高過入兩球既史達寧，成為呢場比賽既最佳球員。係羅渣士既新陣容（343）下，佢同軒達臣一左一右，亦翼亦衞。所以除左進攻分，防守方面亦有唔少進賬。當然，同一時間就要冒拎牌既風險了。羅渣士試左幾個陣，轉左幾個FORM，估計佢會繼續沿用周中既個陣容。加上天才被屈停賽，出林拔同阿仙奴鬥頂波又冇著數，繼續用史0 打前鋒既可能性極高。原陣出擊，馬高域既正選機會高唱入雲。四個幾可以一搏。今場對阿仙奴，硬仗一場，犯規必多。唔好太大期望。但黎緊聖誕快車，我相信你十分需要一個咁低價但又有爆分機會既球員黎平衡下球隊。今周如果真係仲見到佢有正選，記住要偷定啦。
