◤紅軍研究所◢ - ☆ You'll Never Walk Alone ☆ 永不言敗！ [復制鏈接]

啪啪啪啪啪啪:海鮮波又返黎 [表情]  (2017-02-05 11:39) 

2017年見到一隊全新既利記      

曼城贏波, 正式跌落出頭四了......

posouth:2017年見到一隊全新既利記  [表情]  [表情]  [表情]
曼城贏波, 正式跌落出頭四了...... (2017-02-06 00:01) 

曼城一定會上番前四的。佢既板凳深度夠。一時低潮唔會拖好耐。

熱刺個勢仲係好好，相信KEEP 係前四無問題。


車、熱、曼城，呢到去左三個位了。


第四名就係阿仙奴、利物浦、曼聯三隊去爭。近期個勢，曼聯稍稍佔優，利記再唔醒，今季唔駛諗前四。







上季無前四，我覺得問題不大。今季無前四，影響就好大了！

我無睇波一段時間，正正係利記呢段低潮期，所以我完全唔知隊波發生咩事！有咩理由可以跌WATT 跌到咁？11月中前隊波都仲係上哂力的。無理由一兩個球員缺陣一段短時間就可以全隊真哂樣架！

因為我地實力(球員)始終係二班水平

季初打壓迫踢法 + 快速反攻, 好多波都簡單直接. 踢起黎好爽

近十場就係掉反轉, 嬴了控球, 輸了比賽...

有睇波既話就可以見到利記控制戰局, 但好多時輸了反擊 (死球都唔講, 唔係第一年就有既問題)

打小組同控球唔係問題, 但問題係唔夠班去踢...(冇D致命直線)

好多時起禁區出面猜猜猜, 但又做唔到射門, 一猜失波就比人打反擊...
兩邊傳中又係廢, 下下斬埋黎都冇咩威脅...咁又少緊樣進攻板斧

不過我覺得最大問題係唔夠膽去 " 試"  放D致命直線波 (可能好驚失控球權).

其實阿記死埋同一樣野.
計人腳, 阿記高我地一班, 但又係死猜猜 (只嬴控球權) , 之後又輸反擊了....

雲格排陣有問題都唔係第一年, 所以先十年無冠, 有一級球員起手, 唔識用人都係死

其實車仔同曼聯都有對面攻唔入既問題 (人地死守,佢地只能禁區猜波, 不過係差左人地擁有一級球員可以有能力改變戰局, 及有咁既能力既後備球員....

你睇下我地既sub list.......真係no eye see...

henderson 俾波冇乜尺寸
can又係
簡單講中間冇人可以帶到個節奏
俾人守你既時候
時長時短, 時快時慢
派牌果個就好重要

我間中睇henderson連簡單放邊都放出界

唔明點解唔用史獨, 佢搶迫可能冇咁好, 不過前鋒計佢射術同技術都係算最Top果個.

費明奴成日話佢同古仔有化學作用, 不過我都係覺得佢係2線水平....

中場更加唔駛講, 泊埋去Big 6, 我地中場應該係最雞...

老母同軒仔, 橫傳多, 幾可見佢做過個人突破或者傳D致命直線.....
軒仔之前都有入滲, 有時仲幾有威脅, 依家比人放到打防中, 連依樣都冇埋 (我覺得佢體能夠, 絕對可以跑前又跑後, 入滲後可以快速回防). 老找做左佢既工作, 入慘...不過射術就

Can我覺得佢其實係幾好的, 只要佢肯適當時候做適當野, 有時佢盺球太耐唔傳, 咁就浪費左反擊機會. 不過佢肯試下個人突破同試比直線波, 起碼有D變化, 不過有老母之後,佢又失色不少....

唔用史毒係我最唔能夠接受既野………你唔放佢係正選，都至少比佢多D 時間後備上陣哎………

ArSo:henderson 俾波冇乜尺寸
can又係
簡單講中間冇人可以帶到個節奏
俾人守你既時候
時長時短, 時快時慢
....... (2017-02-07 12:01) 

YES....我剛剛都講了


打小組一定要有一個可以有致命之傳球能力既球員起度.....

利記係冇......

冇人做到既樣, 又可以好似之前咁中場一件衝上去突然入涉, 本身軒仔有一年好強,依方面, 但依家冇左...


講傳波.......兩閘D傳波.....廢到
你睇D角球.......斬都唔知斬去邊........

依家睇親利記都好悶.........見到冒係不停猜猜猜, 然後就見失波了

freezefox:唔用史毒係我最唔能夠接受既野………你唔放佢係正選，都至少比佢多D 時間後備上陣哎……… (2017-02-07 12:13) 

上場多左了

再之前果場好似sub in 都冇

奧歷治都先過佢了

輸緊都唔變陣我就最唔明

有兩場好早就換走古仔, 唔明, 就算話佢剛剛傷好 或 唔夠態, 但在場有邊一個可以有佢既能力?

換完佢,又換返個相同位置既球員, 咁有咩分別 ?

史獨, 真係好少用佢....

驚佢傷 ? 唔出就唔會傷, 要傷冇得避嫁, 冇理由話驚佢傷就唔用佢.....好奇怪

LALALA係好波, 但有時佢花巧太多了, 簡單點更好

另外兩隻閘同Big 6比都係最雞 - 傳中唔得已經係致命問題

米拿我好欣賞佢, 不過老了, 加上佢始終唔係正式閘, 長遠計點都要搵返個返黎

右閘我不嬲覺得佢唔得

利記響任何領隊帶領之下都係海鮮味極濃，呢個係咩玩法......

無睇之前點解可以場場不勝，但偏偏今場有睇，睇完就更加唔明點解之前場場不勝，尤其係上周對候城個場，文尼、古天奴都已經歸位，人腳同今場無唔同………



今場係打到熱刺無還手之力咁滯。今季我都未見過熱刺可以比人壓成咁。今季對曼城、車仔等強隊，熱刺表現都係超水準的。好難想象周六晚佢會被利記壓到進退不能。當然，後防線兩名主將缺陣，尤其係左閘路斯既缺陣，對佢影響至大。個個位就係文尼所在。岩岩配著剛剛，你個邊弱化，我呢便強化，食到應一應。但其他位置既表現都乏善足陣。雲耶馬、獲加、艾歷臣呢幾個係曼城、車仔個幾場都表現神勇既球員，前晚都打到慌失失。艾歷臣仲要一早就被換走。證明真係比利記克制住。


利記都係格食格。對住同佢鬥攻鬥搶既球隊未驚過。因為有位打反擊！偏偏對弱隊，人地一屯重兵死守係後邊，就無哂辦法。




結論係，我地要打兩套戰術，要有兩批人腳。唔可以打死一辦迫搶。比你對BIG 6 WIN 哂都無用。係咁係榜尾身上失分既話，都係得個吉。

因為熱刺冇龜縮

ArSo:因為熱刺冇龜縮 (2017-02-13 11:08) 

Yes, this is the point

不過熱剌真係比利記壓住踢.....

當然Ben Davies 被屈速有關....

第一球, 應該係老母咁耐第一球靚直線 (當然熱剌後防企睇太前,Rose又不在場, 所以就被文尼屈速了)

ArSo:因為熱刺冇龜縮 (2017-02-13 11:08) 

所以一定要有兩套戰術。你淨係迫搶，遇著榜尾個幾隊，實同你打龜縮！你80% 控球都無用。