◤紅軍研究所◢ - ☆ You'll Never Walk Alone ☆ 永不言敗！ [復制鏈接]

freezefox:宜家就緊係咁講啦。之前有幾多人敢真係買落去？
....... (2017-03-06 11:03) 

唔好太認真

我都係講下笑

謝拉傑:我唔賭波，我賭氣，今個禮拜就去奉獻第一次買利記。[表情] (2017-03-06 12:57) 

我唔賭波。


頂多係FANTRAX 到重注利記。

好辛苦咁總算二連勝, 過咗好難過既Burnley. 下場作客曼城, 相信會easy執

睇完呢場波，結論係，我地中間差左個派牌人！


所有波都係由兩邊去。太太太太依賴佳尼同米拿！大佬，兩邊閘助攻係可以，但次次都要由佢地引球推進，一遇阻力就只會向前面個個交波，即係文尼同古天奴。根本就比人睇死哂。空間又唔夠。文尼有態都係咁斷啦，古天奴無咩態直頭球球斷！所以高普換人第一個換走佢了………


幾乎見唔到由中間派牌比兩邊既打法。中間個幾個頂多都只係駁下腳就算。CAN 同韋拿杜姆入波所以勝出呢場比場。但真心唔覺得佢地兩個全場表現係令人滿意。CAN 拍杜姆真係災難。兩個一齊壓前。我唔知高普場前有冇同佢地講好邊個壓前個逗後。以往有軒臣係到，一定係軒神逗住。宜家CAN 同杜姆就兩個都殺到入禁區，中間空左一個大洞出黎。兩閘有波，唔會交比中路，等中路派牌。因為中路個幾個都唔知壓到去前面邊到了。就算偶然交比佢地，不論係LALALA 、杜姆或CAN ，都唔見有咩令人留下深刻印象既表現。不論係引球推進，調控節奏（尤其係呢點，成場波真係得個亂字），派牌分波………中間個三個完全無哂以上既功能。試問隊波又點會打得順？







真係唔到你唔懷念祖阿倫。如果有佢係中間派牌或控球在腳。我深信兩閘兩翼壓力都唔會咁大。成隊波打成上黎都會順好多。

所以要買法比

諗住佢季初冇正選, 可以諗, 點知冇傳過

前鋒可以諗下盧比斯, 阿記又係冇正選, 我相信佢可以配合到古天奴佢地, 亦都非常適合我地隊波

freezefox:睇完呢場波，結論係，我地中間差左個派牌人！
所有波都係由兩邊去。太太太太依賴佳尼同米拿！大佬，兩邊閘助攻係可以，但次次都要由佢地引球推進，一遇阻力就只會向前面個個交波，即係文尼同古天奴。根本就比人睇死哂。空間又唔夠。文尼有態都係咁斷啦，古天奴無咩態直頭球球斷 .. (2017-03-13 11:16) 

老母黎根本就多餘, 佢換返祖阿倫就好好多了~~

依場波, 人地仲踢得好過我地

法比踢得咁好唔會俾佢走掛...

所以咪話遲左。一月買我覺得唔係冇機會

果時利記仲有機會拎冠軍

係咁俾人打反擊兩邊落底出波，球球都嚇到PK~

主場喎，踢到pat屎咁~

大家和氣收場, 一人一分, 繼續咬住第三第四. 我地對Top 6隊真係唔講得笑

呢場波我會用兩個字形容

發瘟

Yes, 兩隊都踢得好差, 絕大部分時間冇組織可言

感覺上利記有段時間, 尤其係被追返一球之後踢得超亂,好似好驚會失多球咁(唔係阿古路應該已經輸了)

冇個大佬起場震一震係差D.

尋日最差我覺得係文尼，成日想表現自己咁，好多決定都錯，有球推STONES, 如果控制力度好少少就已經一定單刀，佢就好似自己食硬人咁一下就大力推，點知就追唔切。仲有好多球都唔講了（後腳傳波）。

不過尋日老母同CAN都踢得好好，最好一定係LALALA, 有球唔係佢回防踢走，又有機會比人GG

唔明高普換奧力治出黎做咩，古仔冇態，但起碼有威脅，奧力治出黎，都冇見佢有用力跑過咁
比我換摩籣奴好過, 曼城最後十分鐘後防好少人，　打反擊果時比佢跑可能更有驚喜

奧力治差到冇譜

見到艾加踢緊友誼賽，可唔可以叫佢番黎？