引用第2654樓liuming於2010-08-25 00:10發表的“”:
其實都冇人話個司機有罪~
都係係一d不合理的地方著手調查姐~~
比你揀，你覺得司機用指甲就可以解開手扣合情合理，定係個槍手幫佢解開手扣？
咁槍手為咩要幫佢解開手扣？要佢做傳聲筒囉。可能當時槍手已經殺左一個人質（或者兩個啦，又或者根本都無殺過人質，只係開槍威嚇），所以放個司機出去同人講條件，大概係唔再滿足佢既要求就會繼續殺人之類。
司機更驚慌都好，都唔會分唔到幾個人被殺定係全部人被殺掛……事實上個一刻，個槍手實在無理由殺哂D人，人質係佢籌碼。少一個人就少一個籌碼，佢會唔會咁做？殺哂D 人然後等人殺佢？係咁不如衝出去射殺班差佬好過啦，反正都死硬，射一個有本殺兩個有利。
咁點解出到黎個版本會變成全部人質被殺？真係純粹個司機亂UP？定係有其他原因？咁事過境遷，宜家係無證無據既情況下無啦啦話懷疑個司機係同謀喎。即係可以拉埋佢啦。咁有咩目的？清楚不過啦。
係，好陰謀論，但我覺得呢D 陰謀論仲合情合理過報紙報導既「事實真相」喎。用指甲解手扣？話人質死哂係亂講？宜家仲要話佢係同謀？係同謀既話，佢出黎話人質死哂搏咩？搏你地再無顧忌可以衝入去殺死佢個同黨呀？呢D 所謂「真相」咪更加匪夷所思………
