tc2218:禁藥點同，禁藥系因為藥物會留系體內，經過一段時間先會完全排出先會甘長時間
同埋呢家4個月連波都唔比練，最傷既唔系亞so，系球會利物浦
我唔覺得公平wor
.......
(2014-06-27 04:25) 
其實今次要罰既對象，係蘇亞雷斯同烏拉圭，尤其係烏拉圭，死唔認錯既係烏拉圭足總，唔係利物浦喎！何況，宜家佢先係唯一一個既得利益者（晉身16強了）。
但判罰既對象反而變成係利物浦了。烏拉圭真真正正受影響既可能只得1-2場賽事。平情而論，以烏拉圭既人腳同實力，就算有阿蘇係到，16強對哥倫比亞都未必出到線了。就算真係比佢出到，8強對巴西仲有得打？即係話，宜家呢個判罰，只係令烏拉圭受到1場或2場既影響。但本身佢已經賺突了。下屆世界杯………唔係，黎緊既美洲杯佢已經可以又召番阿蘇入隊繼續踢國際賽事。無事發生過一樣。
但利物浦卻要承受整個判罰既九成！幫烏拉圭執手尾！完全係無辜被牽連。
如果個判罰改為只禁止阿蘇參加國際賽事，唔單係今屆既世界杯，你罰埋下屆既世界杯都無話可說。咁烏拉圭總足先真真正正需要承受番個代價。
阿蘇前屆係英超犯事，受左十場！球會有責任。因為無好好管教佢！但大家有眼睇，上季佢係英超既表現，無可否認為有顯注改善。唔單止極少犯規，連插水都無咩！無再好似以前咁郁D 就跌，郁D 就嘈球證。比賽態度絕對係積極而良好的。
呢D 就係利物浦管教有方了！
宜家佢係國家隊犯事，係國家隊管教無方！有咩你搵番個邊黎傾。燒到我地個到真係無妄之災！
