不過，話分兩頭！香港又真係算係福地黎架啦。雖然係甚麼綠色空間、私人空間、文化產業各方面都不提也吧。但其他方面你唔可以話佢唔係世界之最。
首先，呢到幾乎可以話無天災。地震、海潚、山火爆發。通通無我地份。核危機係人禍，唔係天災。
其次，呢到雲集世界美食。你鐘意食邊國家既菜式都有。唔係話去咩大酒店或高級食府喎，普通平民化既餐廳都有好多極美味的選擇。
呢到買野又平。物質生活極之豐富。大家都唔係咩富有人家，係咪。但大家睇睇自己身上既，身邊既，物質上既滿足真係足以令其他歐美國家既人都十分羡慕架。唔駛講咩，淨係手機既新、快、同靚，外國人都睇到目定口呆！
係外國，其實唔係個個大城巿都有咁多夜生活架。好多地方入黑後就無野好做架啦。德國呢類國家，星期日無鋪頭開架。悶到發荒架。我地24小時可以出街，周圍都有食店。鋪頭開到夜一夜。方便兩個字係全世界黎講真係首屈一指架。外國望塵莫及。
物質層面真係無可挑剔。
我地係心靈空虛D ，精神生活枯竭D 咁解囉………
