[其他聯賽]前英格蘭國腳、紐卡素噴射機前鋒希斯基周二友賽不慎拉傷韌帶，需缺陣6周 [復制鏈接]

neowai:A Leauge 係咪十月開league (2013-09-21 11:53) 

11/10 開波

第一輪
Sydney FC v Newcastle Jets FC
Melbourne Victory FC v Melbourne Heart FC

羅力亞:出轉會post又話繼續吹，出d資料post好似冬天世界杯又冇人理
Update球員受傷post又話我想賺1000好友元，
咁轉會市場關閉左就等於球壇冇新聞?
其實每日每人只可以出五個topic,我近期已經揀d
大家可能會有興趣好似莫拉堤賣國米、奧當高退役等
....... (2013-09-21 11:40) 

首先，我又覺得你唔一定要用哂每日可發TOPIC 既QUOTA 既。我地既目的唔係發放新聞，而係引起討論。如果話題太窄，無咩人有興趣討論，咁就變左只係不斷地純資料發放了。發掘大家有興趣討論既話題都係發POST 既人要留意既地方。你睇睇近排新聞版，都幾乎比你同AR 敬兩個雄霸了咁滯。但每個TOPIC 既回應文章真係少得好可憐。七成既TOPIC 唔超過一頁。呢個現象本身都係需要注意既。

當然，我地並無限制你發放文章既主題。絶對無話只可以發放多人有興趣既話題，冷門話題就唔比發。舉例，德甲係呢到係比較少人有興趣，但都有幾位好友好留意德甲既消息，會間唔中發放一定比較有趣又或者比較重要既消息。雖然回應既人都唔係話好多。但我覺得無問題，我地都要顧及「小眾」既興趣。但如果，每日都持續有五篇德甲既新聞發放，長年累月都係一日五篇，一日五篇咁放，但每個TOPIC 又只得兩三個回應。其他好多會員都無興趣睇。咁你覺得會唔會有問題呢？


最大既問題就係，間唔中有一篇多人有興趣既TOPIC，轉個頭就會比人推到頁底。一兩日就會被推到去第二頁，咁樣反而會令多人有興趣討論既題目被忽視了。


我覺得，過猶不及。無人放新聞，我地固然頭痕。唔係都唔駛鼓勵大家放多D 新聞。但偏重一兩個人放新聞，又會變得唔平衡。自我調節一下會好少少。


無論如何，我都要多謝你不辭勞苦，好有衡心咁為好友提供大量資訊，呢方面既貢獻係無容置疑的。如果其他好友有意見，不妨思考下其他人既批評，有錯則改無錯當係參考。擇善而固但唔好鑽牛角尖。凡事又唔係絕對岩哂又或者絶對錯哂既。都有中間灰色地帶架嘛。係咪？

我自問其實咩聯賽既topic都有出下，我亦明白揀選具討論價值新聞既重要性，
但有不少新聞最終都令我始料不到，俾如托迪續約、冬天世界杯等,我本以為可以引起討論，
但結果係留言不多同我估計落差好大.................
我認為大家有興趣可能根本冇人理,有時我反而覺得應該冇咩人留意最終大家反應又唔錯

其實我自己覺得我已經盡量令新聞多元化
唔止football news甚至clubs news/花邊都間中有出希望多d人入黎討論，但結果非我可以控制，
每人喜歡既球員球隊聯賽都唔同
我可能做得唔夠好，好似馬捷達個d或多或少因為自己中意曼聯先開topic

我只可以講我聽到你地既意見,我會嘗試去改善，但我必須講既係冇可能照顧到所有人既囗味，
我預計既結果有時會同現實有分別
我保證會盡量調節配合，但篇新聞係米大部分人有興趣
只有交比各好友判斷，好似今次咁，試過水温
A League效果未如理想

其實我覺得而家情況問題唔大，當你見到連 C 朗續約都係得兩頁，而家回覆少，最大原因根本唔係個 topic 內容冇討論性，而係過左轉會窗，大家都已經將注意力由球壇新聞，轉移到去關注比賽本身，例如有咩球員有傷病，黎緊有咩大戰等等，以往討論度極高既轉會新聞一旦冇晒 (而家既轉會新聞根本完全冇可信度)，好友回帖既意欲細左都唔出奇。

而家有「洗版」既情況，唔係某會員既責任，而係成個壇都冇其他會員會發新聞 (可能身為版主既我都有責任)，自然會造成而家雄霸既現象。其實我覺得而家日日有新聞出都幾好，就算好友唔回覆，都可以睇標題知道而家球壇發生緊咩事 (我都會加亮標題俾其他人易知道大事)，好過一潭死水咁。

就今次事件上，羅力亞既出發點相當好，亦都好高興有會員咁熱心於發佈新聞，如果連好似佢咁既會員都消失埋，好友係週中真係會冇晒人，到週末有 yff 有波睇先上水。當然佢冇可能可以迎合所有人既口味，不過亦都可以好似老狐咁講，有時又真係唔洗用晒五個 quota，真係特別，或者比較影響深遠既，多多發佈都無妨，一睇就知係煲水新聞既，唔貼都冇所謂。今次只係小事，以後大家互相協調就得。

用戶被禁言,該主題自動屏蔽!