2006年3月21日
今日下晝同女友去金魚街果邊買龜，行到去見到有好鬼多舖頭，間間都有少少野係想買，冇可能一間買齊哂，所以我地做由街頭行到街尾一次，記住邊間有d咩野岩買，之後行番轉頭再買。最後去左3間不同的舖頭買左唔同既野，仲發現黑店..........
首先在近街頭位置買了一個9吋缸 + 蓋，一包 1 kg 細石，共$58。
之後走到街尾位置買了一個石台+山洞，一盒鈣片，共$60。（最後我知道我買貴了......）
最後就在街頭位置買了2隻巴西龜，一盒龜糧，共$22。
大家一睇就知道中間係黑店啦！點解?? 因為我發現我買完哂野，行到一間之前冇行過既舖頭，細一個size既石台+山洞只係$28！！爭成倍咁滯呀！！Dum心呀！！
番到屋企我就開缸，放石，放水，放龜。個石台+山洞因為size大得滯要人手磨一磨條邊先可以放到入缸，呢樣野聽朝先搞啦！2隻龜去到新屋都幾活躍，依家放左響大廳飯檯到，頭先11:xx果陣行開飲水發現有一隻已經訓左嚕~勁可愛，哈哈!! 聽日就要帶番中心養啦，快高長大呀!!
