開缸日誌(有新相，新機影架！6月9日 再加相，見頭post) [復制鏈接]

下面是引用freezefox於2006-03-07 11:15發表的:
呀。報告下個缸既情況先。
開缸魚：
.......

唔係wor…

好多魚友話生石，係會9成自己好返wor…

你問邊間老闆呀？


魔>吊>仙>碟
碟魚……不嬲係最難養，所以我條畢畢打算最後先買


係wor~
你係咪有靚生物石好介紹呀？
我要好似你果d咁多紫苔、青苔、藻係d石度ga wor

下面是引用muly621於2006-03-08 02:34發表的:
唔係wor…
.......

咁唔知囉。可能佢無見過條魚，即係靠我形容。我又未必形容得咁貼切掛。anyway，條魚好番已經好好。問題係佢開口，但又食得唔多。最慘係食得「姿悠」！大佬，家下係隔離器你霸住哂就話慢慢食者，出到「外面」，搶食世界，慢半步都無呀。通常我餵一粒冷藏豐年蝦，一分鐘內無哂架。


無錯，一般照排就係：魔-----葵-----吊---仙----蝶

魔魚最粗生但惡，開缸容易但日後麻煩。強力推介青魔。我個兩條養定左好靚架。一條螢光藍，一條螢光綠。又唔怕人。你見次次拍野佢都係走係最前就知。又唔惡。無話打魚既。又可以幫你食左開缸時常見既玻璃蟲（但唔知點解我個缸無喎）。一物三用：試水、觀賞、清除玻璃蟲。十蚊條，邊到搵。其他藍魔、黑白間、三點白、絲絨……全部惡爺黎既，最好唔好養。

葵類小丑屬「明易實難」類。但人人都唔甘心，一定要試。我都無謂多講。但唔好養蕃茄呀。惡中之霸，同魔類既三點有得揮架。開缸養佢，你都幾難加魚囉，第日。唔養蕃茄，但又想養葵魚，以形造葵魚「嬲」葵既大自然有趣影像，咁你可能要考慮無咁靚既粉公囉。

吊唔好先養丹麥吊。我就係行錯左呢一步。因為佢唔靚，愈大愈唔靚。但一養定。你要加其他吊都好頭痕。建議你先由黃丹、帆丹呢類較和平既吊開始養。我宜家最想養既，係紫吊。好鬼死靚。尋晚加左條藍吊……但狀態麻麻……無計，賣剩呢一千零一條，無得揀………


仙就多選擇囉。你自己鐘意養咩都得啦。但仙魚屬山頭主意極重既魚。養定佢先加其他魚……都有一定難度。

畢畢已經係蝶魚中屬於易養既一種架啦。好彩既，執到條開口既，已經養到。我聽聞，人字、斜紋白腳、月光、黃網、關刀……呢幾種蝶魚都屬於比較易養（相對咋，事實係任何蝶魚都難養）。可以考慮呢幾種。



生物石呢，你一定要幫趁我呢間。旺角個d，又貴又唔靚。好少少既開價四十幾蚊磅。差d既都要三十幾蚊磅。好差好差既先係二十幾蚊磅。我呢石咁靚，形態又多，都係十五蚊磅咋。講明係大陸石。但我睇唔出有咩分別。其他魚鋪成日話大陸石唔好唔好……我又唔覺得佢地d怎印尼石、賓記石有咩咁好。早幾日我仲見佢入左好多「片石」。一片片既，要黎砌珊瑚缸，做境一流。

哎呀，睇唔到你前一頁已經講左咁多野，我仲係咁講，係咁講。


因為我聽講太大氣d魚會好大壓力，所以細返d應該好d
但要養銷化細菌，又唔可以太細……真頭痛……

壓力又唔多覺喎。可能我個缸都有番咁上下大掛。不過我都會開下停下。因為個氣塞係正個海柏到，我驚日日咁吹住棵柏會唔多掂。


天皇仙我都想養見你咁好彩，等我都試下先~
我第一條石美人第1日就開口，咁我係咪中左頭獎呀，佢仲好活潑tim


疑？咁睇黎我同你都係幾好彩既新手喎。騎……騎……等日我試下加條天皇仙，你養多條石美人。等兩條都開口後，大家交換。騎……騎……


我係17吋細缸仔行底喉加瀘筒jar
用左8條魔開缸，3個星期n-cycle完成左
之後d魔放左去荃灣碼頭，宜家用左5磅生物石砌左個景
留返d空間遲d加d珊瑚…


17吋缸較細，無計。難用滴漏。我相信暫時計，滴漏係最理想既過濾系統。不過我批死你好快會換缸。你一定唔甘心就咁一個17吋細缸。就算宜家唔換，出黎做野之後你都換硬。除非你放棄唔艱。騎……騎……

係喎，你缸細，易捉番d魔，根本唔駛擔心魚惡既問題……無諗過添。我就唔得囉。莫講話生勾勾魚。有時明明見到死左條魚，但攝係d死位到，根本都無辦法撈翻上黎……你話生既點捉？


我都係咁~無方向，無宗旨好呀…我又想要fot又想rt，所以就睇左d資料話細仙同珊瑚共養係有成功可能。宜家打算細仙、細碟同d粗生珊瑚共養，希望係bb班cheap cheap既水族系統下做到我理想既水世界la

係呀，要仙葵混養，一字記之曰：「細」。最緊要細細條。其實我都鐘意養細魚。唔鐘意大。d魚一大色就唔靚。都唔明點解d人係咁追求大魚……


我打算養1-2吋半既魚同平、靚、易打理既珊瑚同葵︰

黑背心小丑(養緊)----唔識。養左幾耐？得唔得？
黑小丑----------------唔識。
藍吊------------------易驚青，易發癲。要有野比佢「里」埋先好。
藍圈(養緊)------------呢條粗生架。不過……你咁快就加藍圈？佢地對水質要求好鬼高架喎。好似起水印架。你條幾多吋？我條藍紋都要兩個月後先敢加。
石美人(養緊)----------希望今次養到。有開口，但唔搶食。
天皇仙-----------------最自豪既一條！騎……騎……
火焰仙-----------------嘩……呢條超級貴魚黎架喎！
畢畢--------------------若然我個三條一級難養蝶最尾都係失敗既話，下一輪我就會試下佢。
古b---------------------一定有架啦。你有生物石有珊瑚，好易養者。不過，古b都講緊幾十種喎。你養邊種？

奶咀葵(養緊)------------好攪野架。條小丑有冇嬲埋去？
白點葵(養緊)-----------係咪紫點葵？唔好揀d白哂既。愈白愈靚但愈唔健康。係白化現象。即係佢既共生藻已經去得七七八八，等條屍都得。要養到奶黃色咁先好。仲要一定有足夠光照。
炮杖花(養緊)------------你用咩方法餵食？有冇「開花」。見唔見我首頁第三個post既炮仗花既相。正唔正？
多種色既紐扣(養緊)------我都養緊……不過我覺得其實唔多靚。
星花----------------------都係易養類。
草皮-----------------------養緊。係魚鋪睇就好靚。番到我到無哂d營光。我懷疑因為我無落藍燈。
泡泡姑--------------------暫時無興趣。有諗過。但唔知放係邊好。
黃喇叭--------------------唔識。

醫生蝦---------------------一定要養呀。好幫得手架。我個隻尋晚又換殼啦。已經係第二次換啦。
火焰蝦---------------------有醫生蝦其實都唔駛火焰蝦。唔知可唔可以共養喎。你個缸唔大。可能會打架喎。



我咁細個缸、bb班既水族系統、d野又養平價，都大出血……哩排都係出少d魚街為妙…
係尼，你條藍吊係邊買ga？幾吋？
我都揾左2吋藍吊好耐……上次係日旺見到…$120…又無態，始終無買
我聽人講4月會多d藍吊，希望d價唔好咁顛啦…

條藍吊係牛頭頭間東海買既。吋半兩吋到啦。成八十呀！係我買最貴既魚。但其實唔值咁貴架。而且因為無得揀，得番一條，個狀態其實幾差下……但因為搵左成兩個幾月，先第一次見到，個人都失哂控，甚不理智地……買左。我覺得，正常價呢d普通魚咪最多三、四十蚊……成八十蚊，傻既！

我買既魚從來都唔係貴。十零蚊條又有，二三十蚊條又有。唔會過五十。唯獨呢條咁貴……


係尼~你去開邊度買魚ga？


第一，我從來唔去旺角買魚。因為聽講d魚買親都死。雖然我都唔會信哂。但最緊要係，我呢d係新手黎架嘛。好多野唔識唔明要問架嘛。旺角d人真係啋我。我試過試下問下野，問d我其實知道答案既問題。發覺，佢地唔單止唔多鐘意答你，有d衰d既直程呃你。我一定唔會去呢d地方買野。

我多數去d細細間，可以傾下計，問下野既鋪頭。同埋，有d仲會肯試比你睇，邊條開口，邊條唔開口。我係新蒲崗做野，又係觀塘蒲開，所以多數行呢頭d魚鋪。個缸同器材都係觀塘一間細細地既魚鋪買既。好多養魚既知識都係佢教既。魚佢就唔多。所以我會去牛頭角買。海國同東海囉。d魚都ok既。海國個老闆好鬼串囉。我都唔多想去。

另外，我個客係太古。所以我間唔中都會去測魚涌個個東匯廣場。之前無野睇架。宜家先叫多番少少。我d生物石咪係係個到買架囉！正！九成既珊瑚都係個到買既。



下次有機會，搵次一齊出去行下魚街呀。

嘩...頭暈...

我執過哂d相。新相放係第四個post到。但仲有十張八張未加齊。


第一個post就留番黎放精選既相。大家有冇邊幾張鐘意既，可以幫我揀。我加係第一個post到。

.....................

我有錢一定養

滴漏一定係宜家最理想既過濾系統，我都好想有個滴漏60吋缸

奈何我個海水魚缸係o係我間房度，開唔到太大……但細缸都可以養得好靚~

但好考功夫…睇怕我都係要交多好多學費先有咁既功力


嘩~~講起d魔…我17吋缸仔捉7條魔去放都捉左半粒鐘 游得好鬼快…

藍魔、青魔、黃魔、黃尾藍魔、黑白間、三點白、絲絨……

你宜家知我點解要放生未 無經驗就真係無經驗


黑背心小丑，我養左10日到咋…好鬼精靈活潑，已"嬲"葵
黑小丑-----(原色小丑既黃位係黑色)……好鬼貴$2xx
藍圈-----有d水印……係早左落，但忍唔到手~1吋好鬼q
火焰仙-----係呀~$160-$180，但好鬼死靚
畢畢----碟魚中我最愛係佢(又平又靚，仲要係碟魚中算好養)
古b----我想養粉點古b(但見親都成3-4吋……仲大過我d魚……你見到1-2吋記得通知我 )

奶咀葵----小丑唔"嬲"佢，"嬲"白點葵
白點葵--------唔係紫點葵，佢比較少d (愈白愈靚但愈唔健康)係呀~我都聽過~真矛盾！
紐扣-------我好鐘意wor~~紅、橙、黃、綠、青、藍、紫都有，可以砌到好colorful ，做前景一流
醫生蝦、火焰蝦應該可以和平共存

哦~~~牛頭角東海，之前好多藍吊！原來又無哂…吋半2吋$80
唔要記得讓俾我


呀~~~要趕住出去飲~~~今晚再傾

全部攪掂！各位可以隨便欣賞。有邊張特別鐘意既可以投以一票。我post係首頁第一個post既精選集內。

下面是引用王子托迪於2006-03-08 13:50發表的:
.....................
我有錢一定養 [表情] [表情]

細缸養咸水魚，最考功夫既就係控制水質。呢樣野話易唔易，但話難其實一d都唔難。要訣得兩個：

少魚 / 勤換水。


咁就一定無問題。

香港人養魚習慣係「高密度」飼養嘛（唔知係咪香港人自己都慣左高密度既生活空間，連養魚都要高密度）。你睇我就知咩，一個30"吋養咁鬼死多魚。但香港人又懶喎！最好幾個月唔換水。所以，先要用錢黎搭救。買幾十樣器材黎化黎樣去個樣。實情係，缸大魚少少餵食，再勤力換水。水質自然就靚架啦。細缸，唔用咁多器材，一樣養到魚。


所以呢，托迪，就算平平地都可以養到咸水魚架。好似muly咁，17"架行濾筒，頂多加個蛋白質化離器已經可以。我估計千零二千蚊到已經可以開缸。一個細缸三五百。濾筒細細地五六百。光管三四百。濾材一二百。雜項一二百。

基本開缸費後，日後既駛費其實好有限。你咪學muly咁走去養貴價魚 。平魚粗生既幾草野有交易。食又唔食得幾多。唔係真係好貴架咋。

有冇得諗？

下面是引用muly621於2006-03-08 17:15發表的:
滴漏一定係宜家最理想既過濾系統，我都好想有個滴漏60吋缸 [表情] [表情]
奈何我個海水魚缸係o係我間房度，開唔到太大……但細缸都可以養得好靚~
但好考功夫…睇怕我都係要交多好多學費先有咁既功力 [表情]
.......

頭先都講左，細缸養魚，最緊要心機。少魚少餵食，勤力換水，個個星期keep住換20%-30%。一樣可以養到d魚肥肥白白。唔……不過……睇你都係心多多樣樣最試個種……騎……騎……遲d你實換大缸。

你d小丑係邊間買？幾錢幾吋？養得掂既我又去買番兩條呀。
火焰仙等我個缸再成熟d，水質再穩定d既話，話唔定我都捨得買一條黎養既。嘩……等如我半缸魚既身價……

我條黃古b都係吋半到之嘛。有相睇呀。睇左未？東海呀、海國呀，大把啦。

係呀，我第一之去牛頭角東海，見到一條吋半藍吊係大缸到。唔賣既。佢話前一個星期先賣哂個九十幾條藍吊……聽完之後幾飲恨呀！早一個星期黎咪好囉。結果尋晚去比我「撞到」一條賣剩藍吊。不過，今朝見佢狀態都仲係唔係好得。

希望呢條養得到啦。唔係唔知到等到幾時先番第二批藍吊。

好消息：石美人狀態向好。今朝擺低條紫菜，已經食哂。

好消息：藍吊態狀雖無改善，但開埋口。食我d娃娃菜兼粒糧。

壞消息：條葵扇蝶終於出事……佢啄我棵火柴頭（珊瑚黎架）呀……舊野成舊水架……

壞消息：同藍吊同日引進既關刀，狀態甚差。

壞消息：條新加既小丑終於死左。



超級壞消息：

我條舊小丑都好似中左招呀！死啦，今次！可能比條新魚感染左d咩鬼黑魯士蟲呀（俗稱發霉病），大鑊啦……呢條開缸功臣黎架，至愛之一呀！！！唔好離我而去呀………

下面是引用freezefox於2006-03-09 01:42發表的:
好消息：石美人狀態向好。今朝擺低條紫菜，已經食哂。
好消息：藍吊態狀雖無改善，但開埋口。食我d娃娃菜兼粒糧。
壞消息：條葵扇蝶終於出事……佢啄我棵火柴頭（珊瑚黎架）呀……舊野成舊水架……
.......

嘩……

壞消息多過好消息wor

快d test下d水


p.s.我都有個壞消息……我d水又爆紅……no2又升

可能n-cycle未ok……

咁就大獲

可能之前我缸水爆紅後，我落左硝化細菌之後2日後test no2係黃色

只係我落左硝化細菌之後既短暫回落……

其實係咪一路等到佢爆紅都唔好落硝化細菌，要等佢\no2開始有回落左情況(橙色)

先好落硝化細菌加快n-cycle完成

因為上次我test到好紅，但唔肯定到左最紅(肉眼好難分最尾果2格紅色…)
就落硝化細菌，可能未將no2推到最高就用左硝化細菌消化左no2……

2日後回落到黃色……就以為n-cycle完成左

宜家又爆紅……前功盡廢

點好？我宜家係咪等到佢爆紅都唔好落硝化細菌，要等佢\no2開始有回落左情況(橙色)

先好落硝化細菌加快n-cycle完成？

下面是引用freezefox於2006-03-08 18:14發表的:
細缸養咸水魚，最考功夫既就係控制水質。呢樣野話易唔易，但話難其實一d都唔難。要訣得兩個：
少魚 / 勤換水。
.......

一定有啊

同我爸研究下先

下面是引用muly621於2006-03-09 03:02發表的:
嘩……
.......

換水~

下面是引用王子托迪於2006-03-09 09:29發表的:
一定有啊 [表情] [表情] [表情]
同我爸研究下先 [表情]

你有budget既話可以話我知，我幫你問下價睇下可以點玩。玩幾大。