周永恒上ViuTV講家事爆粗？
陳淑蘭寸夾黎：你唔係賤格，係笨X
建立時間 (HKT): 0418 11:35
曾自認係「人渣」既歌手周永恒，早前有第三者Ruby，令老婆趙頌茹(Yu)心死，提出離婚，周永恒早前上o左ViuTV綜藝節目《晚吹》，當中一個主題《總有一隻o係左近》係由陳淑蘭做主持，以talk騷形式，訪問「賤男」嘉賓周永恒，日前先流出預告片，周永恒火滾爆粗鬧：「X！昆X我上黎！仆X黎架！你羅住本雜誌睇到我既野黎害我。」佢嬲到離開錄影廠(新聞連結：http://bit.ly/1qRTWv9)。
盛傳周永恒有感當時被擺上台，一度起身嗌唔錄想走人，今日網上流出相關片段，當時周永恒話自己既感情野，外人冇資格討論，陳淑蘭即笑對方戇居：「如果你覺得係家事既話，我都有好多不可告人既家事，又唔見我o係雜誌接受訪問時講呢啲。」周永恒反問：「你講邊本雜誌，我講過呢?」
陳淑蘭就話：「總之有雜誌，你喺接受人訪問既時候，唔止係一期、兩期既事，一係唔係賤格，係笨x，係唔係先?中咗一次，仲要中幾次。」周永恒續言o個段時間，佢自己都唔知自己想點，跟手又係咁講英文單字，又形容唔到係咩，周永恒講：「我剛才講好shuffle。」陳淑蘭問佢英文係唔係shuffle，周永恒又講：「係『shiffle』嗎?」陳淑蘭寸爆話只係知咩係「truffle」，叫佢唔好講英文，唔知佢講緊咩，周永恒尷尬講：「我讀到中四㗎咋!」
講咗一輪嘢，陳淑蘭竟然問係唔係錄緊，認真夠晒奇怪，見周永恒不斷亂「拋書包」講啲佢自己都唔明既生字：「execute呢件事……」陳淑蘭即扯晒火：「本來我今日係想用賢淑既態度，你咁樣講兩講，令到我真係……」周永恒死撐：「咁咪睇得開心囉!繼續啦!」陳淑蘭插爆周永恒有啲嘢「夾硬」黎：「唔抵得你咁笨，你明唔明?覺得我哋屈你上嚟，你明唔明?平反啦!老實講，我真係覺得你係賤男，我買咗o個幾本雜誌，我真係覺得你係賤男，所以你要平反，我初初對你印象幾好。」
唔少網民睇完條片，覺得「個節目根本搵佢上嚟出醜，呢條友又自暴其短，仲要寸XX，X到冇朋友」亦有網民批評主持人蘭子好煩：「作為主持，人哋都未講完嘢，又叉隻腳落去講，把聲又沙、講得又快又大聲，其實佢憑咩做主持。」
