而家坊間有一種憂慮：
今日有二百萬人出嚟，好似好巴閉咁，但係我感覺到風向開始變，形勢愈嚟愈不利...
林鄭冇回應任何訴求，只暫緩修例，出聲明道歉。然後今日去到依家凌晨，一切都順利得過頭，現場完全冇警民衝突，非常平靜。
然後呢？
聽日集會，之後點？
冇錯我哋可以set deadline，但，
如果撤回修例，釋放義士，追究警隊，林鄭下台，收回暴動定性呢幾樣訴求完全得唔到回應，咁點？
唔通每個禮拜日遊行？變咗行禮如儀，民氣好快就散。
繼續佔領馬路，重蹈雨傘覆轍。聽日，後日返工開始少人佔既時候就會開始有人插阻住交通，持續唔到。
衝擊，可以衝邊？警方唔set防線，任你佔，咁我哋可以點？尤其立法會已經唔會再處理呢條修例草案，咁衝擊立法會其實已經冇意思。
國際壓力，唔到我地控制，講到底香港只係籌碼，當大國傾掂數，我哋就冇利用價值。
換句話說，我開始唔知我哋仲有咩可以做到。
呢一刻，林鄭只需要拖，然後慢慢秋後算帳，佢就可以贏。
點算。
[ 此帖被麻凡在2019-06-17 08:11重新編輯 ]
