◤紅軍研究所◢ - ☆ You'll Never Walk Alone ☆ 永不言敗！ [復制鏈接]

freezefox:睇返精華，有以下結論：
其實紐尼斯宜家個情況真係好似添姆雲拿。 有速度，走位好！可以創造機會！亦的的確確為對方帶嚟好大威脅。就係入唔到波！入唔到波原因，一，可能壓力太大，所以愈急想入波，愈係失諸冷靜；二，簡單一句，無運！ 添姆可以一場波中三次柱。宜家紐 .. (2022-12-31 13:11) 

原來真係有呢個stats, 英超2022/23賽季入最多門眉/門柱就係利記, 總共12次

https://www.premierleague.com/stats/top/clubs/hit_woodwork

睇BBC睇到, 12次入面有5次係Nunez包辦, 球員之中之最  

posouth:原來真係有呢個stats, 英超2022/23賽季入最多門眉/門柱就係利記, 總共12次
https://www.premierleague.com/stats/top/clubs/hit_woodwork
....... (2023-01-02 02:37) 

真係好添姆雲拿。


個陣佢係車仔又係離奇地黑仔。

今季的xGA係好得人驚, 宜家係英超入面倒數第6, 基本上FPL的話可以追買對家果隻.

17場, xGA=27.7. 上季成季38場之下, 先係xGA=32. 就算近幾年最差的2020/21賽季, 38場都只係xGA=47, 依然係防守最好的6-7隊之一. 今季防守的虛弱程度, 絶對係Klopp 2015加盟後都未發生過的. 再行下去, 唔好話去返Rodgers時代爭頭四, 直頭去返Houllier, Evans時代要爭入歐協, 歐霸果個級數!

2019/20冠軍年後, 諗唔到之後個年咁差. 同樣2021/22差兩場勝利可以贏盡一切, 諗唔到之後今年場場咁輕鬆可以俾人bully到

posouth:今季的xGA係好得人驚, 宜家係英超入面倒數第6, 基本上FPL的話可以追買對家果隻. [表情]
17場, xGA=27.7. 上季成季38場之下, 先係xGA=32. 就算近幾年最差的2020/21賽季, 38場都只係xGA=47, 依然係防守最好的6-7隊之一. 今季防守的虛弱程度, 絶對係Klopp 2015加盟後都未發 .. (2023-01-04 02:26) 

宜家條中場完全搶唔到波

ＴｕＮｇ:宜家條中場完全搶唔到波 [表情] (2023-01-04 02:45) 

中場, 後場, 前場, 唔夠體力之餘, D 50-50波仲成日輸.

睇紐卡素面對咁攻得的阿記, 對手快反擊, 真係9.9秒就可以11人回防, no question asked. 果種狠勁同唔輸得的決心, 今日的利記有冇?  

中間三個唔夠力⋯⋯⋯


之前，我哋有杜姆，全季不傷！永遠跑不完既體力；有軒隊，精神領袖，鬥志驚人；有狀態頂鋒既法賓奴，搶截反擊樣樣齊。

宜家杜姆走咗之後，軒隊都唔頂得幾多場，代替佢哋既，係傷一場打一場，雖然好波但體力不足以應付 90分鐘泰亞高，仲需要時間成長既艾利洛。再加埋狀態下滑既法賓奴⋯⋯⋯⋯ 中場三件既問題其實都幾嚴重。


前面係不斷失機⋯⋯但以前咪又係咁。沙拿三球黃金入得一球，都唔係今季既事啦。就算係文尼，都有呢個情況。但以前我哋係可以制造超大量既機會，任佢哋MISS， 三次黃金入得一次既話，就製造夠九次黃金。宜家一場只可以係某段時間製造到三四次黃金機會，個段入到波就掂，入唔到⋯⋯⋯中場被壓制，根本就再佔唔到優勢去創造機會。

後防不隱明顯咗，除咗係雲迪克狀態飄忽外（季初），AA 踢到無哂信心都係原因。以為世界杯後，一切會回到正軋⋯⋯⋯似乎係，又似乎唔係。 雲迪克同AA 係好咗啲，但未到前兩季既最佳。而中間係咁比人打斷，後防受壓太多，點都會出亂。中場保護力不足係後防出亂子既第一個關鍵。



即係，講到最尾，呢一分鐘，要解決當前問題，幾唔想都好，都係要買返個人。 基達其實唔差⋯⋯如果佢唔傷既話。而且佢都約滿了，睇怕都走硬了。 張伯倫一樣要走了。就算唔走，亦唔見得係中場可以補充咗咩戰力（人數上可以既）。鐘斯一季比一季失望，真係要唱句「不知發生了甚麼事」。 其實宜家既利記，中場就係欠一個比寧咸，就可以活化成隊波。真係一個可以救全家。就同當年，一個雲迪克，就可以活化成條後防線，買一個就解決哂所有問題！ 貴係貴，但你分幾次買幾個，試完唔得又試，試完唔得又試，最後洗既錢，咪又係咁多⋯⋯⋯  

  

Virgil van Dijk hamstring injury worse than expected. 31yo had initial consultation & now due to see specialist today to discover extent + timeline. That will determine if out for considerable period / better news. W/ @JamesPearceLFC @TheAthleticFC #LFC

羅力亞:Virgil van Dijk hamstring injury worse than expected. 31yo had initial consultation & now due to see specialist today to discover extent + timeline. That will determine if out for considerable period / better news. W/ @JamesPearceLFC @TheAthleticFC #LFC (2023-01-04 20:16) 

啱啱都見到. 上場佢其實都未傷, 係precaution咁換走咗. 不過有關hamstring的都唔會野少

freezefox:中間三個唔夠力⋯⋯⋯
之前，我哋有杜姆，全季不傷！永遠跑不完既體力；有軒隊，精神領袖，鬥志驚人；有狀態頂鋒既法賓奴，搶截反擊樣樣齊。
....... (2023-01-04 11:23) 

TAA係好返少少, 起碼無之前咁雪糕筒, 話過就過, 進攻俾波好準宜家, 似熟識的TAA.

曼城表現失準的賽季唔多, 今季半季未到有5場失分, 算好多了. 如果可以今季我地的表現放到上季, 上季到今季, 會係好好睇的阿利雙爭爭冠局面, 好好睇. 可惜, 成日我地極出色時佢地同樣強, 到佢地有D無力感的一季時, 我地更hea.

Jones同Keita就........曾經見過出色的一面, 但好似進步到頂點了, 兩個都曾經何時比譽為Gerrard接班人.

Keita更加係退步, 明顯我係一直睇佢唔過眼, 愛之深, 責之切. 明明係好全面的中場中, 見過佢中場領軍的分波, 有vision, 又可以好似Lallana果種係軍馬疊雜下揾到食, 有能力但唔知極缺信心或鬥心, 定係咩原因, 唔上力, hea踼. 上場輸Brentford的第三球, 就係佢失控球開始, 睇到火到黎咩.

分享Tomkims的一篇, 難得唔使錢都睇到頭一半

https://tomkinstimes.substack.com/p/age-freshness-fatigue-how-to-make

5個得返半年約的球員, 一月一係續, 一係賣. 如果等到暑假的話, 等於全部都可以free走.



要邊件唔要邊件?

基達唔知係咪又傷左

ＴｕＮｇ:基達唔知係咪又傷左 [表情]  (2023-01-06 15:54) 

唔係掛, 後備入替都.....

睇波睇到心灰, 曼城對車仔, 曼城入球會開心, 因為車仔先係競爭對手.

下回合曼城對曼聯同熱刺, 仲要撐城多兩次, 唉. 自己唔爭氣, 係咁靠對手失分