祖兒被導演要求掃型男胸部，但怕醜的她邊摸邊失晒魂。
近日性感味濃的容祖兒，昨日身穿黑色透視裙、佩戴逾三千萬元名貴鑽飾拍新歌MV，黑色打底褲若隱若現，非常誘惑！而祖兒還大膽撫摸男主角胸部及擦鼻，搞到祖兒失魂落魄腦充血
英皇一姐容祖兒昨日身穿透視裙拍攝新歌《流淚眼望流淚眼》MV，並佩戴珠寶商贊助的逾三千萬元鑽飾，現場有五名保安戒備，當中兩名看管珠寶，另外三人則貼身保護祖兒，認真大陣仗！在MV中，祖兒與高大型男拍談情親熱戲，導演要求她用左手掃男主角胸部，但她緊張到「左右不分」，問她有否要求與男主角親嘴？祖兒笑說：「當然冇！（幾耐冇同男仔親近？）唔講呢，咁核突！（幾耐？）好耐啦！叫我點答喎？自從我成人身份證之後就冇喇！唔記得喇！都係咸豐年代事。」
玩戒指驚保安開槍
談及與男角掃胸擦鼻會否怕醜？祖兒說：「唔知喎！只知血衝上腦，你咁近距離影相，加埋幾十部機（指相機及攝錄機）對住晒，好似拍緊實驗電影咁。（再有親熱鏡頭？）冇喇！係咁多，之後會有張床，但唔係床上戲。」
祖兒透露是次預備了三、四套衫開工，但她表示黑底若隱若現並非想賣弄性感：「我打晒底啦！唔怕透，相比場激情戲，條裙好小兒科?！其實今次反而係想Sell珠寶。（戴咁貴珠寶驚唔驚？）唔係好驚，多得保安住，我玩戒指時，幾驚佢槍呀！我好想買
