日子上，年關已過，今日都年初四喇，但亞視仍未出糧。
今日再吹風，話又有新股東加入，兩日後應該出到糧。兩日後係星期六喎!
之前馬熙曾答應喺2月5日年廿七（星期五）當日出糧俾員工，但係直至當日五點都仍未出到糧，夜晚七點馬熙向員工道歉，再戲劇性辭職。晚上10時，投資者王征以主要債權人身份，宣佈已入稟要求亞視清盤。
同日晚上本港台十點半新聞同國際台新聞都有報道，且結束時均以「再會」向觀眾道別。翌日亞視宣佈，因人手關係，六點鐘新聞及晚間十點半新聞暫停至另行通告為止。
估唔到真係俾網民批中，亞視新聞，都有大結局的一天。
但有樣嘢，大家係估唔到。
最初網民以為，(可能係)亞視新聞大結局，收視應該唔差，坐底雙位數啦。點知……
係零點。
當然唔係完全冇人睇，而係指其收看人次未達到6萬4千人(即1點)之最低要求。
睇番收視報告，2月5日六點鐘新聞，仍然有2點收視（約13萬人次），但當時完全冇報道欠薪一；直至夜間十點半新聞先有詳盡報道，反而收視仲要下跌，跌到去0點。係咪個收視調查唔準確呢？
雖然情況唔係好樂觀，但係亞視都唔係膠著唔做嘢，佢哋仍然有推出新聞節目，包括有袁潔儀、蔡梓銘、林睿、黃文滔、馮家俊主特既節目《天南地北》，同埋由劉家聰主持兒童節目《我們這一班》。而《天南地北》仲有1點收視。
http://hk.apple.nextmedia.com/enews/realtime/20160211/54748765?top=4h
[ 此帖被羅力亞在2016-02-12 01:07重新編輯 ]
