◤紅軍研究所◢ - ☆ You'll Never Walk Alone ☆ 永不言敗！ [復制鏈接]

posouth:睇Match of the Day, 利記同曼聯兩場, 就係話曼聯供應唔到前面, 影住Antony一個人企係右邊成1/3個場得佢一個, 都係無意識或者唔肯放個長波俾佢.
想反TAA就係咁餵係咁餵, 話佢直情好似美式足球四分衞咁, 重心人物  [表情] (2023-09-05 11:03)

佢啲長傳準到嚇死人。


不過，佢啲狀態真係好飄忽。 好起上嚟神級表現，一唔集中就好似變咗第二個人咁⋯⋯

freezefox:佢啲長傳準到嚇死人。
不過，佢啲狀態真係好飄忽。 好起上嚟神級表現，一唔集中就好似變咗第二個人咁⋯⋯
....... (2023-09-06 00:10) 

一唔集中就變咗Degen, Xavier果個級數  

沙特聯賽轉會市場去到9月7日, 仲有一日

posouth:沙特聯賽轉會市場去到9月7日, 仲有一日 [表情]  (2023-09-07 00:25) 

今個夏天點都唔會賣的了。


下季早少少拎定錢嚟再講啦。

放埋今個星期假, D場程就開始密了. 個個有波踼, 唔好傷就得!

Sep16 Sat - @Wol
Sep21 Thu - @LASK Europa
Sep24 Sun - vs WHU
Sep27 Wed - vs LEI Carabao Cup
Sep30 Sat - @Tot
Oct5 Thu - vs USG Europa
Oct8 Sun - @BHA

官網twitter見到, 上場原來係球隊史上第一次有成四個唔同南美國家的球員, 都係正選

沙特過咗transfer deadline了, Salah走唔成

大家一月再玩過. 到時都仲係200M而且我地唔係爭冠份子的話, 就賣得.

另一方面, 一月我地都有機會我地買多件Andre, 巴西甲組果個中場

posouth:沙特過咗transfer deadline了, Salah走唔成 [表情]
大家一月再玩過. 到時都仲係200M而且我地唔係爭冠份子的話, 就賣得. [表情] [表情]
另一方面, 一月我地都有機會我地買多件Andre, 巴西甲組果個中場  (2023-09-08 05:50) 

其實沙拿遲早都會退落嚟。如果仲可以超高價咁賣出去，咁就梗係無敵啦。


但大前提係，你要有準備。而唔係無預警咁就比佢走。 好似法賓奴同軒隊，突然離隊，搵唔到人頂個防中位，其實係可以成為全季既致命傷。


暫時睇，遠騰唔係RIGHT PERSON 囉⋯⋯⋯⋯

我哋好籠統咁講，前線兵源係好充足的。 沙拿、加普、迪亞斯、紐尼斯、祖達。仲要未計艾利洛。六個人輪三個位，人多到爆添啦。尤其對比中後場個情況。


但如果再細心睇，你會發現前鋒全部係側去一邊的。 左路就真係大把人。迪亞斯、紐尼斯、祖達。個個打得。中路都有唔同選擇。而且唔同遲擇下，唔止係換人，係成個進攻模式都可以變化。用加普同用紐尼斯係兩種打法。


但右路呢？ 沙拿之後⋯⋯⋯就係艾利洛了。 祖達、加普都可以移右既，但效果好一般。 艾利洛要接沙拿班，仲有一段漫長既道路。右路真係無PLAN B 咁滯。呢個問題，源於： 1. 當然係因為沙拿一直都保持最高水準。你又真係好難搵人替佢。 2. 沙拿仲要極少受傷。右路試陣既機會都無。 3. 高普好少換走沙拿。永遠都係留到佢係最後一分鐘。 以上種種，令到右路長期無「第二任」出現。 最多最多只會出現好似艾利洛呢類超級大後備。 你要好似左路咁，有咁激烈既良性競爭，好難好難。


成個換班過程中，高普好似無咩特別安排右邊翼鋒既接替者。 所以如果沙拿突然離隊，對球隊整體都係一個致命既打擊。唔係無咗沙拿一個人咁簡單。係成個陣形、戰術，都會出現無法彌補既缺口。  

所以，既然預視到，沙拿今日唔走，嚟緊都好難留。咁右路既替補人手呢個問題，要快啲諗下點做了。


外面物色，內部調動，兩樣都要同時進行！ 最簡單，至少艾利洛你要比多啲佢以右翼鋒既身份上陣，先有得累積相關經驗。如果一直以右中場既身份打後備，佢無可能係個個位有成長。

freezefox:我哋好籠統咁講，前線兵源係好充足的。 沙拿、加普、迪亞斯、紐尼斯、祖達。仲要未計艾利洛。六個人輪三個位，人多到爆添啦。尤其對比中後場個情況。
但如果再細心睇，你會發現前鋒全部係側去一邊的。 左路就真係大把人。迪亞斯、紐尼斯、祖達。個個打得。中路都有唔同選 .. (2023-09-08 12:10) 

前一兩季我自己好想要的係Bowen!   Salah個接班人/替補, 勁的唔會肯黎齋坐, 黎得的都係發展中的後生仔. Bowen中意佢能翼能鋒, 好似Jota果時埃及文明都在時, 起碼多個位置可以出到. 不過遲咗D了, 佢都26歲了.

以前的Harry Wilson, 之後係宜家被改咗做中場的Elliott, 到今時今日Doak, 繼續未有明顯的接班人.

freezefox:所以，既然預視到，沙拿今日唔走，嚟緊都好難留。咁右路既替補人手呢個問題，要快啲諗下點做了。
外面物色，內部調動，兩樣都要同時進行！ 最簡單，至少艾利洛你要比多啲佢以右翼鋒既身份上陣，先有得累積相關經驗。如果一直以右中場既身份打後備，佢無可能 .. (2023-09-08 12:12) 

到宜家其實都唔知Elliott踼右翼定係中場好D. 但真係唔夠上場分鐘, 希望佢可以走Minamino路線, 盃場踼好D, 好到係自然必然選擇, 慢慢等機會上位.

我感覺都係要係Klopp的心中睇得上, 先練好防守會有幫助. 咩位都好, 有份防守有份出場  


潛力黎講我對Elliott比Jones更有期望

講開右翼, 之前都傳過Joao Felix...........

勁既右翼好似仲難搵過防中
阿仙奴一樣得Saka一個
車仔都要高價買Palmer

Tsimikas終於有正選...............代表希臘對荷蘭. 賽得同VVD同Gakpo攬頭攬頸

Szoboszlai都好似入咗球靚球, 夜D睇番睇華先