◤紅軍研究所◢ - ☆ You'll Never Walk Alone ☆ 永不言敗！ [復制鏈接]

posouth:X2, Bradley咁的情況出正選呢兩場, 驚驚青青先係正常, 防守得宜已經收貨, 宜家仲要進攻都有貢獻, 好難得!
漸漸見隊友唔使「就」住佢踼, 有需要就交俾佢, 開始知佢唔會亂來甩波.  [表情]  (2024-01-22 07:18) 

尋日如果佢好彩啲既話，可以有2G 1A 。

宜家竟然咩都無，其實都幾黑仔。

posouth:今場Mac Allister同Jota都好出色, 明顯俾自己中場/前鋒的另外兩個的隊友的足球智慧同穩定性高一班. Salah不在場的第一場聯賽, 過關!
Klopp又係大師, 半場講咗D咩, 下半場醒哂, 一攻破第一球, 之後控場控得好靚, 唔算有D咩好驚險的畫面 [表情]  (2024-01-22 07:24) 

所以我先話，防中位置似乎又無之前咁緊張了。


始終，我相信高普最想都係由麥卡里士打踢呢個位。 因為除咗防守之後，佢仲可以做埋調節，控場，派牌多個唔同功能。比起遠騰，又真係更加多功能性。 之前佢仲未十分適應呢個位置，但宜家似乎愈踢愈好了。


可能，會就住佢同遠滕，編寫兩套唔同既戰術。以針對唔同風格、類形既對手。





感覺高普既戰術、排陣愈嚟愈多變化了。

freezefox:尋日如果佢好彩啲既話，可以有2G 1A 。
宜家竟然咩都無，其實都幾黑仔。 [表情] (2024-01-22 10:41) 

好似有計到助攻?

其實今場出色、搶鏡既球員著實不少。


巴特利唔駛講。令人驚喜。即使上場杯賽其實已經表現出色。但今次第一次聯賽上陣，表現仍然係令人信賴。 攻守兩方面都好有信心。未見任何犯錯。

干拿迪唔駛講，仲搶鏡過雲迪克。係後面真係殺哂。

其實高美斯都好對板。佢宜家係左、右閘，中堅，全部都打到既通天佬倌了。 有一個咁既球員，真係超超超方便。領隊最鐘意就係呢啲萬能KEY。 有佢一個，煩少好多嘢。而且，佢係交到貨個種，唔係攝位頂住先咁簡單。



中場麥卡里士打好多反搶。係中場調控得宜。鐘斯其實都好稱職。護球能力強咗好多。 好多小技巧都好得好熟練。其實絕對可以穩佔正選一席！ 艾利洛其實都唔差的，尤其佢既推進能力。不過有時最尾個一腳就係欠少少火喉。 踢六七十分鐘再換人對佢嚟講，其實都係一個唔錯的組合（加雲貝治就⋯⋯⋯唉⋯⋯⋯）


祖達一如過往，可以半場唔見影，然後半場嚟個大爆發。把握力仍然係隊中數一數二個個。

紐尼斯⋯⋯⋯⋯⋯2 G ！仲有嘢需要講咩？ 半季已經入球＋助攻雙雙了。咁既「水貨」，真係唔怕入多幾個。  

ＴｕＮｇ:好似有計到助攻? (2024-01-22 10:50) 

理論上祖達係第二腳先射入。如果係以前既YAHOO 經理人，就唔計的了。 官網可能計。


灰色地帶個隻。

睇返WHOSCORED，又真係計咗佢助攻喎。

freezefox:睇返WHOSCORED，又真係計咗佢助攻喎。 (2024-01-22 11:00) 

應該係因為過程中無掂到對方球員

freezefox:所以我先話，防中位置似乎又無之前咁緊張了。
始終，我相信高普最想都係由麥卡里士打踢呢個位。 因為除咗防守之後，佢仲可以做埋調節，控場，派牌多個唔同功能。比起遠騰，又真係更加多功能性。 之前佢仲未十分適應呢個位置，但宜家似乎愈踢愈好了。
....... (2024-01-22 10:46) 

一個對強隊, 一個對弱隊  

Mac Allister令我諗起Wijnaldum黎利記, 都係來自中游隊, 都係攻中, 以前係球隊的攻擊重點. 黎到後因為球隊需要, 一個改成無限能力的中場中, 一個改做anchorman, 偏向防守控場.

Mac Allister係國家隊, Brighton, 利記可能話係踼三個唔同功能. 勁!

ＴｕＮｇ:應該係因為過程中無掂到對方球員 (2024-01-22 21:11) 

第一腳都仲係諗佢搏下角球, 彈番轉頭仲好射, 半窩利就黎

freezefox:其實今場出色、搶鏡既球員著實不少。
巴特利唔駛講。令人驚喜。即使上場杯賽其實已經表現出色。但今次第一次聯賽上陣，表現仍然係令人信賴。 攻守兩方面都好有信心。未見任何犯錯。
....... (2024-01-22 10:56) 

Gomez=新一代Carragher

不過退一步講, 有時個人/球隊狀能真係好難講, 呢幾個月, 個個平時好一般的都踼到好似好得, 包括Jones, Gomez, Endo, 受傷前的Tsimikas, Matip等等. 忽然板凳深度好夠咁.

忽然又可以好似上季, 連最信得過的first teamers都廢哂, Fabinho/Henderson果D都可以坐bench, 好神奇.

By the way, 大家覺得Gomez幾時先開齋?

posouth:By the way, 大家覺得Gomez幾時先開齋? [表情]  (2024-01-22 21:36) 

下場

freezefox:下場 [表情] (2024-01-23 11:07) 

期待  

Robertson傳今日有機會出擊, 希望有bench

對親ful都勁辛苦先贏到

ＴｕＮｇ:對親ful都勁辛苦先贏到 [表情]  (2024-01-25 05:52) 

X2. 今日比數太蚊水, 搞到Robertson坐係bench都無機會出黎玩陣