◤紅軍研究所◢ - ☆ You'll Never Walk Alone ☆ 永不言敗！ [復制鏈接]

見到官網又放咗一堆hospitality飛出黎, 即刻按入去睇.

..........全部都係1400-1500英鎊的價位. 作為平民真係一世都唔使睇波了

fa cup抽中作客曼聯

ＴｕＮｇ:fa cup抽中作客曼聯 [表情]  (2024-02-29 05:55) 

繼續幼齒please    

今朝起身睇比數，嚇咗一跳，贏唔單止，仲要大炒。 今次真係八九件幼齒都仲做到呢個成績，真係開心到震。


不過，睇完精華，就知到呢場其實都叫好彩。當然，好彩之餘，又係基拿靴一個救全家個隻。一開波個十幾分鐘，我哋可以輸夠三球。神救、中柱、對手把握力差（咁似車仔個場既），令到我哋可以保持清白之身踢落去，先有機會比班小朋友調整狀態，先有之後既三比零。如果一開波就落後一兩球，就難打千萬倍了。結果亦都好可能改寫⋯⋯⋯


但點都好，呢場八成幼齒既勝仗，實實在在哋為班小朋友提升自信、經驗、士氣，對佢哋嚟講係非常寶貴既一戰。比起上場決定對車路士，幾個青年軍又成熟多啲，又進步多啲。 真係可以慢慢融入一隊，成為關鍵既後備兵源。









只擔心，接心高普既領隊，會唔會、識唔識得繼續咁去培訓後生仔，比機會班後生仔。

freezefox:今朝起身睇比數，嚇咗一跳，贏唔單止，仲要大炒。 今次真係八九件幼齒都仲做到呢個成績，真係開心到震。
不過，睇完精華，就知到呢場其實都叫好彩。當然，好彩之餘，又係基拿靴一個救全家個隻。一開波個十幾分鐘，我哋可以輸夠三球。神救、中柱、對手把握力差（咁似 .. (2024-02-29 09:43) 

連Sideshow Bob都入兩球, 真係    

posouth:連Sideshow Bob都入兩球, 真係  [表情]  [表情]  (2024-02-29 10:40) 

仲要係後備入替踢半場

freezefox:仲要係後備入替踢半場 (2024-02-29 11:38) 

67 Koumas out, 76 Danns in. 兩件鋒將一個一球, 一個兩球!    

近年吹得最勁的利記前鋒Brewster, 係利記一球都無入過, 以前Mellor果D, 都係只係5-6球, 但已經記咁耐.

Carvalho都突破唔到, 睇下67仔同76仔有無辦法突入聯賽了. 仲有件49仔K.Gordon, 見佢地好似輪流都有時坐下bench係聯賽比賽, 不過sub入機會真係好少.

見到個新term好正, 形容利記陣中的青年軍, 叫Kindergarten Kop

posouth:見到個新term好正, 形容利記陣中的青年軍, 叫Kindergarten Kop [表情] [表情]  (2024-03-02 07:30) 

不過，高普一走，新領隊未必就會咁重視青年軍，佢哋之後既發展仲存在好多變數⋯⋯⋯


最慘係，唔止高普一個走，係幾乎成個團隊一齊走，而個班人先係青年軍可以冒起既關鍵人物。

alisson好似有排傷

ＴｕＮｇ:alisson好似有排傷 [表情]  (2024-03-02 12:19) 

真係好彩個陣無賣基拿靴⋯⋯⋯

Nunez真係新一代Origi, 係作為幸運童子方面, 同後備入替改變戰局呢點   

freezefox:真係好彩個陣無賣基拿靴⋯⋯⋯  (2024-03-02 19:07) 

其實以佢呢幾場的表現, 我開始覺得可以踼到季尾, 即使Alisson番黎. 因為真係太多神救, 位置感又好, D出迎時間好準.

又或者話, 防守力方面, 真係無話可說. 而另一個Alisson絶技超準繩的分波, 就未有機會見識到Kelleher的功力. 不過同時Alisson耐唔耐派膠, Kelleher暫時亦未見過

posouth:其實以佢呢幾場的表現, 我開始覺得可以踼到季尾, 即使Alisson番黎. 因為真係太多神救, 位置感又好, D出迎時間好準.
又或者話, 防守力方面, 真係無話可說. 而另一個Alisson絶技超準繩的分波, 就未有機會見識到Kelleher的功力. 不過同時Alisson耐唔耐派膠, Kelleher暫時亦 .. (2024-03-03 11:53) 

Kelleher傳波都算準, 之前有場長傳比diaz單刀不過diaz自己控甩腳波都射唔到