◤紅軍研究所◢ - ☆ You'll Never Walk Alone ☆ 永不言敗！ [復制鏈接]

freezefox:估唔到佢肯食回頭草。之前傳佢話無意回巢的。一個星期唔夠又轉風向。
 (2024-03-10 09:54) 

比哂佢話事又搵埋佢老友過黎
同埋仇人高普都就走

好攰, 好似自己踼完場波咁. 最終1:1, 繼續聯賽three horse race

埃及口風軟咗, 同意唔使Salah踼黎緊的兩場友賽

posouth:好攰, 好似自己踼完場波咁. 最終1:1, 繼續聯賽three horse race [表情]  (2024-03-11 02:05) 

宜家變咗下場阿仙奴對曼城係關鍵一戰。


最好就梗係和波啦。


不過真係難啲。呢兩隊唔似可以「和」到。

講真，尋晚個場，都真係將士用命！人人搏到盡。 都無咩邊個球員可以怨。


係，迪亞斯浪費咗足足三次黃金機會，但佢又真係CHER 到最後一分鐘都係左路喪爆，爆到曼城既邊路風聲鶴唳。 好多有威脅既攻勢都同佢有關。 你又真係怪佢唔落。 只能講，埋門唔係佢最強個辦囉。

紐尼斯係咁越位，係咁誤傳，但佢又真係段段喪跑。 12 碼都係佢一手一腳搏返嚟。 尾段個次衝門，好彩少少可能改寫戰局了。


遠滕航一場比一場入局。一場比一場重要。 已經可以奠定佢 6 號位既必然正選位置。 佢夾麥卡里士打 ，再搭蘇保也好，艾利洛也好，鐘斯也好，都係最佳組合。 季初我哋成日講，比佢打防中，解放麥卡里士打，原來係真係WORK 架！利記全新中場線終於完成了！確定了！ 對住曼城，一個遠滕，一個雲迪克，制霸中後場，打哂！


艾利洛真係愈嚟愈愛佢。跑不完既力氣，秏不盡既鬥志。好多串連都係佢鋪橋搭路。利物浦未來既重心！唔駛講。


昆沙、巴特利，打完呢場，經驗值大增。 巴特利係完全可以威脅AA 個正選位置。甚至，我相信有唔少利迷會寧願佢打右閘，因為真係好穩陣好穩陣。你真係擔心都無擔心過。邊諗到一個啱啱上一隊既後生仔，可以成熟穩健到如此地步。佢既側擊威力，迫得住成班正選！分分鐘係全隊最佳⋯⋯⋯

昆沙係出過一次錯。腦筋問題。不過，話分兩頭，對住曼城，佢竟然都夠膽引球推進，而唔係保保守守只求無過，呢份進取，呢份膽色，又真係幾令人欣賞。 可以預見佢將來既成就一定非凡。


其實我哋傷咗咁多個主力，出幾個小將，都仲可以壓住曼城嚟踢。真係喜出望外。利記現有班底，真係有排打。

freezefox:講真，尋晚個場，都真係將士用命！人人搏到盡。 都無咩邊個球員可以怨。
係，迪亞斯浪費咗足足三次黃金機會，但佢又真係CHER 到最後一分鐘都係左路喪爆，爆到曼城既邊路風聲鶴唳。 好多有威脅既攻勢都同佢有關。 你又真係怪佢唔落。 只能講，埋門唔係佢最強個辦囉。
. .. (2024-03-11 09:44) 

其實琴日VVD 先係MOM 我覺得 幾球如果唔係佢 已經輸左

lung:其實琴日VVD 先係MOM 我覺得 幾球如果唔係佢 已經輸左 (2024-03-11 10:55) 

X2, 睇番Match of the Day, 深深感受到VVD今場係幾咁屈機  

Danny Murphy講個句, VVD係佢心中宜家利記隊中唯一一個不可取替, 必定要留人!

freezefox:講真，尋晚個場，都真係將士用命！人人搏到盡。 都無咩邊個球員可以怨。
係，迪亞斯浪費咗足足三次黃金機會，但佢又真係CHER 到最後一分鐘都係左路喪爆，爆到曼城既邊路風聲鶴唳。 好多有威脅既攻勢都同佢有關。 你又真係怪佢唔落。 只能講，埋門唔係佢最強個辦囉。
. .. (2024-03-11 09:44) 

人人好番下, 長遠最理想我覺得係Nunez-Jota-Salah正選, 如果輸緊就換入Diaz亂衝一輪. 佢個種只望住個波, 自己有自己去, 好似以前Babel或者Baros. 有時plan B就係要有咁的人物. 迫住plan A出佢地的話, 又真係睇到心臟病.

Diaz真係無人夾到, 隊友就算企個好靚的接應位, 佢根本都唔知發生咩事, 個個唯有企開D俾空間佢, 等佢玩一輪, 睇玩出D咩結果

遠藤同利記真係, 一個轉會市場無人有興趣的防中, 加埋一隊無防中想加盟的球會, 我迫住信你, 你又迫住要用我. 最終天作之合!!

琴日Haaland同Foden靜到呢......

freezefox:宜家變咗下場阿仙奴對曼城係關鍵一戰。
最好就梗係和波啦。[表情]
....... (2024-03-11 09:29) 

和最理想, 次選阿記贏. 之後阿記除曼城個場外, 仲有三場對Top6, 一場維拉. 我真係唔覺得佢地可以連贏到尾, 同我地一樣. 會追得到.

曼城就一場熱刺, 一場維拉, 冇難踼的了.


我地就唔使講, 正選11人坐哂係度, 場場未踼先輸一半

freezefox:講真，尋晚個場，都真係將士用命！人人搏到盡。 都無咩邊個球員可以怨。
係，迪亞斯浪費咗足足三次黃金機會，但佢又真係CHER 到最後一分鐘都係左路喪爆，爆到曼城既邊路風聲鶴唳。 好多有威脅既攻勢都同佢有關。 你又真係怪佢唔落。 只能講，埋門唔係佢最強個辦囉。
. .. (2024-03-11 09:44) 

Bradley同TAA之間......我會長期出Bradley正選, TAA副選. 認真mode

點講, 應該話不論年資, 支持出最全面能力的人正選, 片面能力的人副選. 好似琴日哥師換走KDB的感覺, 唔係傷唔係攰, 係tactical, "prove me wrong next time", 咁大佬級的都以實力為準, 何況TAA! TAA一日唔苦練防守時的位置感, 改變以為「防守等於搶走人個波」的心態, 成日亂出腳, 雪糕筒式俾人輕鬆推過, 無論係右閘或中場都唔使踼, 踼都只值得需要改變戰局 時, 換入黎放下長傳. 球隊始終唔可能下下將全隊陣式改變, 就一個人. 猶其是當有Bradley, Gomez等的選擇時, 大部份時間都係以433練波, 而唔係3223.


向來「TAA的助攻力足以彌補佢防守不足」一點, 有Bradley在陣下, 已經唔成立. 人地冇無敵長傳, 但有衝入敵陣起腳的能力, 出波亦係漂亮, 出俾Szoboszlai令佢入第一次header goal, 人地頂得幾開心. 同理, 我覺得支持Bradley係「Bradley的全面性足以彌補佢冇quarterback式傳球的不足」.

要quarterback的傳球, 有Szobos, 有Mac Allister, 琴日VVD的分波亦係好靚. 唔係得佢! 學好基本功, TAA你先好番黎正選

首回合對Sparta都贏1:5. 今個星期次回合, 會出到幾嫩口?

posouth:首回合對Sparta都贏1:5. 今個星期次回合, 會出到幾嫩口? [表情]  (2024-03-12 20:32) 

高普應該都會出一半正選

Michael Edwards named FSG CEO of football. Resigns from Ludonautics June 1 + replaces Mike Gordon in charge of Liverpool. Will appoint SD (Hughes) to recruit Klopp successor & help identify/manage a 2nd club. Turned down CFC + MUFC