◤紅軍研究所◢ - ☆ You'll Never Walk Alone ☆ 永不言敗！ [復制鏈接]

高普開左ig

freezefox:最後一次睇高普帶領利物浦了⋯⋯⋯ (2024-05-19 20:50) 

仲睇緊Anfield個邊. 痴線, Klopp外成6-7個要員走, 一個一個出黎上台多謝佢地. 多人走到.....

posouth:仲睇緊Anfield個邊. 痴線, Klopp外成6-7個要員走, 一個一個出黎上台多謝佢地. 多人走到..... [表情]  (2024-05-20 01:19) 

一朝天子一朝臣。你跟慣高普，其實要轉老細，都唔係容易。


倒不如直頭轉埋工作環境。重新出發可能仲容易。

睇FSG 個部署，已經唔係純粹換領隊咁簡單了。基本上係成個管理架構重組。


之後既利物浦，未必再係呢九年嚟我哋熟悉既利物浦。咁人性化，咁有人情味。可能會變得一切都只依從數據。一切都變得冷冰冰講求效益。

我喜歡高普，唔單止係佢帶領利物浦贏咗好多冠軍。更加重要既係，佢令呢個咁功利，咁現實既球壇，令我哋既球隊，更加有人味。 一切以人為本。

freezefox:我喜歡高普，唔單止係佢帶領利物浦贏咗好多冠軍。更加重要既係，佢令呢個咁功利，咁現實既球壇，令我哋既球隊，更加有人味。 一切以人為本。  (2024-05-20 09:49) 

個人真, 有個句講個句, 又真係肯融入球會文化, 融入社群.

要老闆要維猜, 要領隊就要高普!  

freezefox:睇FSG 個部署，已經唔係純粹換領隊咁簡單了。基本上係成個管理架構重組。
之後既利物浦，未必再係呢九年嚟我哋熟悉既利物浦。咁人性化，咁有人情味。可能會變得一切都只依從數據。一切都變得冷冰冰講求效益。  (2024-05-20 09:48) 

遲d可能AI教波

單講番最後呢場對狼隊, 打多一個成6X分鐘. 36次攻門, 14次係中目標, xG=5.24, xGA=0.56, 即係好應該係輕輕鬆鬆5:0或者5:1, 結果係得兩球.

把握力可以話係整個球季的問題. 下季可以點搞? 好似今季中場咁, 前場大換血?

嚟緊個個，其實都唔係新領隊。


只係新教練吧了⋯⋯⋯

freezefox:嚟緊個個，其實都唔係新領隊。
只係新教練吧了⋯⋯⋯  (2024-05-21 18:59) 

唔怪得Klopp最後演講時講Slot都話「關於新manager, 呀唔係係新coach.....」, 宜家明了.  

咁可能買賣上Slot可以俾意見, 但最終決定唔係佢度

除非係星級領隊好似費格遜果D, 將權力分開都應該係好事.

調轉如果俾Klopp話哂事, 可能繼續貴一貴同Henderson, Milner, Matip等等續約, 仲大鑊

Oh......傳Kelleher立定心腸, 今個夏天要走了, 尋找正選機會

posouth:Oh......傳Kelleher立定心腸, 今個夏天要走了, 尋找正選機會 [表情]  (2024-05-28 09:01) 

無可能仲留低做後備啦。

freezefox:無可能仲留低做後備啦。  (2024-05-29 07:47) 

一月時森林出15M唔賣, 宜家俾版人睇埋黎半季, 起碼到賣佢30M!!  

呢排日日都仲見到Klopp的消息. 佢會幾時出番黎教波?  

我估六個月後. 呢D坐唔定的一類人, 好快一定又想揾野搞......