◤紅軍研究所◢ - ☆ You'll Never Walk Alone ☆ 永不言敗！ [復制鏈接]

ＴｕＮｇ:nunez同球迷打交又唔知要停賽幾耐 [表情]  (2024-07-11 10:48) 

己經唔係係南美國家辦, 係美國D癲的球迷都一樣  

要罰的話, 首先要問點解要一班球員同球隊職員自己去保護家人? 樓上班癲的哥仔球迷係咁dum野向屋企人, D人開始衝擊下面, 現場又唔夠保安, 可以點?

諗起之前韋斯咸作客AZ Alkmaar, 有韋斯咸球迷要幫手頂對方衝擊, 連Benhrama, Antonio幾個球員都要出手, 又係要救番家企人. 最後都只係AZ會方ban咗一堆認得出的己方球迷, 同埋出黎道歉

ＴｕＮｇ:nunez同球迷打交又唔知要停賽幾耐 [表情]  (2024-07-11 10:48) 

個一刻要保護自己既家人，停唔停賽，有咩後果，已經唔係考慮範圍。

posouth:己經唔係係南美國家辦, 係美國D癲的球迷都一樣  [表情]
要罰的話, 首先要問點解要一班球員同球隊職員自己去保護家人? 樓上班癲的哥仔球迷係咁dum野向屋企人, D人開始衝擊下面, 現場又唔夠保安, 可以點? (2024-07-11 18:56) 

最大責任當然係個班攪事既球迷。然後就係大會，無盡到保護球員，保護入場觀眾既責任。

有排都未輪到挺身而出保護家人既球員。



但世事往往都係荒膠！大家第一個怪責既竟然係球員⋯⋯⋯我幾乎無見過人鬧個班攪事既球迷。 亦極少人提大會既保安安排如何失當！

Liverpool forward Darwin Nunez could face a lengthy ban after he clashed with supporters in the stands following Uruguay's Copa America semi-final defeat by Colombia on Wednesday.

FIFA could decide to extend any ban to domestic football.

freezefox:最大責任當然係個班攪事既球迷。然後就係大會，無盡到保護球員，保護入場觀眾既責任。
有排都未輪到挺身而出保護家人既球員。
....... (2024-07-12 08:29) 

因為打人個班唔識佢地, 但又識呢個高高大大的烏拉圭人. 先做佢  

不過Nunez自己都要諗諗日後再遇到, 點樣可以保護自己. 同場成十個八個烏拉圭球員都有上去護駕, 只係集中講佢一個, 因為影到佢唔只推撞, 而係出拳.

球場上硬D無所謂, 最多大家一齊黃, 當一換一. 但面對係一班癲咗的球迷碰, 有怒火之餘都要有策略, 進一退十, Dunkirk大撤退, 唔係進擊的Dunkirk. 保護家人都要保護自己


更加要保護利記陣容完整.......

友賽對住Real Betis, 射埋去個波比對方龍門接住, 一望, 個龍就係Adrian!

琴晚友賽對阿記, 贏番場

Elliott真係fit, 穿針引線

posouth:琴晚友賽對阿記, 贏番場 [表情]
Elliott真係fit, 穿針引線 [表情]  (2024-08-01 21:10) 

艾利洛真係好正。

但成個體系佢其實好難擔正。 前面有麥卡里斯打，又蘇保斯拿爾。 右邊沙拿長期霸住一個位。 成日要佢做副手，真係好浪費。  

freezefox:艾利洛真係好正。
但成個體系佢其實好難擔正。 前面有麥卡里斯打，又蘇保斯拿爾。 右邊沙拿長期霸住一個位。 成日要佢做副手，真係好浪費。   (2024-08-02 10:05) 

今季仲有Carvalho

ＴｕＮｇ:今季仲有Carvalho (2024-08-02 23:36) 

我諗卡華路留得低既機會都唔太大

其實主要真係睇新領隊嚟到想打咩陣式，咩打法。


好多係高普手上好重要既球員， 可能突然會變得好雞肋⋯⋯⋯⋯⋯例如遠騰航⋯⋯⋯



其實我都唔明白點解新陣式對佢嚟講會咁難適應。

ＴｕＮｇ:今季仲有Carvalho (2024-08-02 23:36) 

入番球希望幫一幫到個賣價  

freezefox:其實主要真係睇新領隊嚟到想打咩陣式，咩打法。
好多係高普手上好重要既球員， 可能突然會變得好雞肋⋯⋯⋯⋯⋯例如遠騰航⋯⋯⋯
....... (2024-08-03 09:49) 

今場用S8做anchor man, 我諗係試陣掛, 面對中下游可以咁玩, 對強隊就唔使諗了, 希望直接用番Endo.

大家輪流踼防中. 上季M10頂, 今次到試S8