◤紅軍研究所◢ - ☆ You'll Never Walk Alone ☆ 永不言敗！ [復制鏈接]

次次角球我地都勁有威脅, 次次維拉有角球時

11場領先5分, 已經對咗阿/車/曼. 非常好

posouth:次次角球我地都勁有威脅, 次次維拉有角球時 [表情] (2024-11-10 05:40)

都好彩個龍救左幾下角球
兩隊都係靠維拉角球

AA 傷成點？

freezefox:AA 傷成點？  (2024-11-10 08:38) 

最長應該個幾月

freezefox:話時話，史諾其他嘢未肯定住，但運氣一定唔差。
開季頭六場超易打。比佢順利過渡。 到地獄賽程了，第一場對車仔，車仔兩個後防停賽，加埋傷兵，成條後防線都係副選咁滯（雖然車仔正副選可能其實分別都不大）。尋晚算係一直佔優嚟打。好啦，下場對阿仙奴，奧隊傷 .. (2024-10-21 09:41) 

又比我講中

對車仔，車仔成條後防線唔係傷就係停。

對阿仙奴，先讓你一個剎列巴，踢踢下讓多個加比爾。之後再送多個添巴。

對白禮頓，登克傷。登克喎，你有幾可見佢傷的？ 而佢對白禮頓既後防嚟講係極重要既存在。

對維拉，CASH 復出後又傷過。 干沙要調去打閘。





好啦，嚟緊對皇馬。尋晚又傷多三件⋯⋯⋯半隊傷兵。

所以我成日講笑話，史洛應該識落降頭⋯⋯⋯

ＴｕＮｇ:最長應該個幾月 (2024-11-10 08:57) 

有講?  

直覺過兩日先知, 等做哂檢查先

好在仲有件Bradley, 同埋咁啱international break, 多少少時間應付

今季Salah的表現, 完全係返老還童咁, 返返去2-3年前的水平, 雖然唔係2018/19, 2019/20個種屈機法, 但同時傳送的目光同準繩上, 比年輕的Salah又係另一個層次.

我真係無諗過仲可以見到多一季, 咁樣水平的Salah!

宜家一隊波有冇能力爭取好成績，就係睇你控制唔控制到傷兵問題。 傷患幾乎係無可能避免，所以如何減低個影響就係關鍵。所謂減低影響，一，有合適既替補。二，再簡單啲，減少正選既出勤。即所謂既輪換。



以前輪換，係你一場，我一場咁輪換。周末踢呢 11 個，周中抽起三幾個用副選。但缺點係，正副之間始終有差異，你今場夾呢個，下場夾個個，都係會欠少少默契。 加上，有時唔係話你想換就換，周中個場遇到大戰，又要全員正選上陣。個輪換就亂哂大籠。


史洛宜家奉行場場輪換。係一場波入面進行輪換。你踢 70分鐘我踢 30 分鐘，下場就我踢 70 分鐘你踢 30分鐘。 感覺上，球員場場都要踢，但又唔駛場場扯到盡。但又因為場場都有份踢，狀態一直可以維持。球隊亦更加熟悉如何配搭。 而且，兩個人爭一個位，但又唔會長期坐冷板，總有機會表現，良性競爭下KEEP 到球員團火，無咁易厭戰。 之前你間唔中都會見到，隊波明明之前都好地地，突然幾場走哂樣，啲人好似跑唔郁咁。其實就係厭戰感作祟。 宜家有冇？都有架，但史洛可以利用半場休息時間去調整，換一兩個新血入嚟，成隊波又即時生返哂。唔係一次半次，好幾次都係咁救返隊波。



所以，史洛唔係識降頭，而係佢既調動同配置，令利物浦暫時都可以免於傷兵既影響。大部分位置都有兩個人替補，正副選之間亦唔會話一天一地，正選好勁副選食屎。而係真係可以相互競爭的。所以球隊一直可以保持新鮮感。保持活力。呢點係史洛最大既功勞。

不過，利物浦宜家唯一破綻就係⋯⋯⋯⋯加芬比個位。唯一一個位無兩個人去輪換替補。唯一一個位係幾乎要場場踢足。


希望佢今季健健康康， 佢可以踢幾多場，直接關係到我哋可以行幾遠。

posouth:有講?  [表情]
直覺過兩日先知, 等做哂檢查先 (2024-11-10 10:41) 

無講，佢估者。

最長嘛。

最短可以兩個星期。

posouth:今季Salah的表現, 完全係返老還童咁, 返返去2-3年前的水平, 雖然唔係2018/19, 2019/20個種屈機法, 但同時傳送的目光同準繩上, 比年輕的Salah又係另一個層次. [表情]
我真係無諗過仲可以見到多一季, 咁樣水平的Salah! [表情]  (2024-11-10 10:47) 

佢好了解自己既狀態，識得慢慢轉型。 所以先會長踢長有。

freezefox:宜家一隊波有冇能力爭取好成績，就係睇你控制唔控制到傷兵問題。 傷患幾乎係無可能避免，所以如何減低個影響就係關鍵。所謂減低影響，一，有合適既替補。二，再簡單啲，減少正選既出勤。即所謂既輪換。
以前輪換，係你一場，我一場咁輪換。周末踢呢 11 個，周中抽起三幾 .. (2024-11-10 10:50) 

等Chiesa/Elliott返返出黎, 到Salah都要接受輪換, 希望佢接受到.

我自己都係中意每場D人踼70-20分鐘之類的輪換, 球員自己條能源bar可以用盡D. 宜家真係成日上半場表現普普通通, 下半場能力爆發下, 同對手此消彼長.