◤紅軍研究所◢ - ☆ You'll Never Walk Alone ☆ 永不言敗！ [復制鏈接]

又要睇睇賠率, 阿記已經跌到1賠9.

曼城1賠81........

周中對紐卡素, 好希望見到Gakpo, Jota, Jones同Endo有正. 其他正選下半場先出黎掃場

posouth:我係2019曼城對李斯特城Kompany個球, 咩料!
同埋最後一輪維拉領先曼城2球, 直到最後十幾分鐘 (2025-02-24 10:36) 

仲要係謝拉特領軍⋯⋯⋯


個場如果最後贏到，肯定成為佳話。

posouth:完場一刻見到Szoboszlai攰到郁唔到, 都諗死喇, 下場周中點搞  [表情]
好想睇Slot有咩辦法將Jones/Elliott/Endo再更好利用. 佢三個唔會係1-to-1的替代品頂主力, 但點樣將佢地的優點利用, 做其他人補佢地欠缺的, 好需要Slot俾D創意 [表情]  (2025-02-24 10:44) 

周中出鐘斯囉。

嘉寶出得啦嘛，比佢打返左邊。中鋒用祖達/紐尼斯。咁唔駛用兩個 10號打偽9 ，蘇保就可以抖抖。 下半場先再出嚟搏 20-30分鐘又得。

ＴｕＮｇ:哥迪奧拿都一早識
不過佢係一早入你幾球之後企係度猜足90分鐘 [表情] (2025-02-24 10:58) 

咁唔係叫輪換喎。

哥帥以前係，後防係咁變陣。個個星期都唔同人。五六個後防輪住踢。所以個陣曼城CS 雖然穩陣，但大家都唔鐘意用曼城後防。因為經常中伏。買咗唔出。

但同一時間，哥帥係英超出哂名唔換人。一場波用一兩個換人名額就算，甚至有時 一個人都唔換。11 個打足九十分鐘。



以前呢，曼城超哂班，都仲可以咁安排。宜家啲賽事密到連曼城咁重兵都頂唔順。哥帥呢種所謂既輪換方式，咪換嚟今季後防傷兵滿營囉。 成條後防全季都未齊人過。


以前就得。你超幾班。

posouth:今日睇波睇得好開心. 唯一係睇Doku vs TAA睇得好頂心, 一個閘的防守可以廢到咩程度? Konate執史執到暈, 執到好似揍B咁. 天呀........[表情] [表情]  (2025-02-24 11:32) 

有冇諗過，可能係史洛刻意為之？

杜古呢，開頭睇就以為佢好好波。睇耐咗就發覺佢其實係一般料。盤扭99，但無後繼個到弊。出波傳球全部唔得。 如果佢真係咁堅，今季既入球數字同助攻數字就唔會咁低。與其話AA比佢係咁過，不如話利記有心比佢係邊線慢慢玩，全場佢爆過咗AA後，真係制造到有威脅既攻勢有幾多個？幾乎係一個都無⋯⋯⋯

以利記尋晚個部署，加上賀蘭缺陣，真係唔怕你係邊線係咁扭。 佢每次要扭過AA，唔多唔少都會拖慢咗個進攻時間。咁利記其實大部分人都已經企定係位到等你攻。 佢傳波又唔掂，出啲波質素好一般。我感覺史洛直頭係引曼城集中係自己既右路進攻。再用低位密集防守去破解佢。  


事實上，我地幾乎比人追返個球，唯一一次比人射入龍門個球， 係左路發生的。

仲有一點好重要，史洛尋晚呢種低位防守，侍機反擊既打法，能夠如此成功，最關鍵既人物，其實就係AA。尋晚利記其實數埋數埋只得幾次反擊。 但每一次都係咁到肉。 五六次反擊就可以入到人地三球（有一球越位）。 制造四五次極具威脅既攻勢。效率係十分驚人。沙拿、蘇保、鐘斯呢批前線攻緊既球員當然功不可抹。但大部分反擊既輸送，卻係由AA 負責的。佢啲長傳，幾乎係次次都中。 次次都放到最靚個個位。鏡頭影住佢一下大腳踢上面，以為係普通解圍。點知， 一拉過去，嘩！沙拿已經跑到，對手全部係面食緊塵。


如果無咗AA，呢類反攻係無可能咁成功的。呢個就係點解AA 防守方面百孔千瘡，但無論高普定係史洛，諗盡辦法，搵幾多人保住佢，幫佢執屎，都要確保佢係場上。 因為佢既長傳既威力，係現今球壇上都係少見的。

AA 絕對係兩面之刃。夠膽重用佢既領隊其實唔多。 至少修夫基就唔識/唔敢用佢了。  

freezefox:有冇諗過，可能係史洛刻意為之？
杜古呢，開頭睇就以為佢好好波。睇耐咗就發覺佢其實係一般料。盤扭99，但無後繼個到弊。出波傳球全部唔得。 如果佢真係咁堅，今季既入球數字同助攻數字就唔會咁低。與其話AA比佢係咁過，不如話利記有心比佢係邊線慢慢玩，全場佢爆過ࡵ .. (2025-02-24 22:56) 

我都希望係戰術   難為電視機前的球迷, 我哎到聲都拆埋, 成場就係係咁「你企得太近喇!」「人進你退喇!」「this is a trap, 你去咩呀?」「你又出腳? 你又出腳?」

freezefox:仲有一點好重要，史洛尋晚呢種低位防守，侍機反擊既打法，能夠如此成功，最關鍵既人物，其實就係AA。尋晚利記其實數埋數埋只得幾次反擊。 但每一次都係咁到肉。 五六次反擊就可以入到人地三球（有一球越位）。 制造四五次極具威脅既攻勢。效率係十分驚人。沙拿、蘇保、鐘斯呢批前 .. (2025-02-24 23:03) 

Match of the Day用一個字眼好認同, the Red wall, 琴日猶其是下半場就係一度紅色磚牆, 過都過唔到.

少少似係三年前決賽對皇馬咁, 皇馬人地一度白磚牆. 明明利記我地自己佔盡控球, 攻門又算多, 但攻極到都係唔到肉的. 對手一個反擊, 一兩球就夠贏.

以個種踼法, 反用係曼城身上咁

freezefox:仲有一點好重要，史洛尋晚呢種低位防守，侍機反擊既打法，能夠如此成功，最關鍵既人物，其實就係AA。尋晚利記其實數埋數埋只得幾次反擊。 但每一次都係咁到肉。 五六次反擊就可以入到人地三球（有一球越位）。 制造四五次極具威脅既攻勢。效率係十分驚人。沙拿、蘇保、鐘斯呢批前 .. (2025-02-24 23:03) 

如果Robertson同Gakpo可以做到一半咁的效果就好, 個種默契

By the way, Robertson踼咗2/3季, 暫時都仲係0G0A

posouth:By the way, Robertson踼咗2/3季, 暫時都仲係0G0A [表情]  (2025-02-25 06:32) 

其實比起AA，羅拔臣個狀態跌得仲緊要。

hall跌低拉跌salah都無12碼仲要吹返salah foul

s8又左腳入波

jota過左單刀又吹返轉頭唔俾得益