下面是引用muly621於2006-03-12 17:16發表的:
老孤兄
你果d雞冠難唔難keep呀？
洗唔洗餵食？
.......
我個D應該唔係雞冠，係水珊瑚。
好多人話好易養，因為你擺係到咩都唔駛做佢都會開得好靚。
其實係誤解。事實係，好難養。
呢類屬於濾食性軟體。即係，既非炮仗花之類，捕食性既，可以就咁餵，又唔係葵個D用共生藻靠光合作用。而係要靠佢既好細好細既觸手過濾水中微生物。所以，其實係要餵既。
D人教我餵「葵糧」。即係一D超濃縮既微生物。一個星期餵一兩滴就夠。
唔需要強光。因為唔靠共生藻。但要中水流。因為要濾食水中微生物。
但就算做足，唔知點解，都好難養得好，我兩棵水珊瑚，一大一小。大個棵（粉紅色），愈黎愈唔靚，個狀態麻麻。兩星期前試個縮埋成個星期唔開，我以為無得救。經換水後，又好番。但一直都無辦法開番好似岩岩買個陣咁。我相信可能同我個缸持續高溫（28度）同埋NO2、NO3太高有關。都仲未TESTPO4添呀。
細個棵（紅色），好DD。
反而棵海柏，D人話好難養，暫時又開得幾靚。但一個月貨仔，一切都唔可以作準。因為呢類珊瑚，就算你養得佢幾唔好，養到佢死。佢死都要死番幾個月時間………
