from my fd's fb (cut 左粗口)
「老老豆豆，望著d人洗哂板話「七一見」、「香港已死」、「準備移民」乜野乜野…
我呢幾日，係咁叫你地出黎，你有無出黎呀？
我出黎都唔係預左你衝、食胡椒，遊下行、集下會啫，真係咁難為？
老實講，叫人出黎我都唔係第一次，
09年到而家，你唔好同我講每次都咁啱約左人、做功課、返工、上堂吧？！
「香港已死」，你明知香港個政經狀況咁惡劣，咁點解你仲只係坐係部電腦面前講呢句？
遊行無用？集會無用？咩都改變唔到？
用 x 你緊係啦，幾十萬人都咁樣諗，條街得個千幾二千人，咁你想有幾大改變啫？
03年廿三條用左幾多人先推翻呀？50萬呀！係五．十．萬．呀．！
我唔該你班大帝，講呢句前，負返D責任，你．有．份．唔．理．香．港．死．活．！
仲有「準備移民」個班，乜野BNO、瓦努阿圖，我真係好慶
之前外傭、新移民、雙非、綜援個陣，個個都變哂正義L，講自己如何愛香港，要如何捍衛香港核心價值同資源乜野乜野
咁多年黎，你乜野都未做過；而家梁振英上台，然後就係度嗌移民，講風涼話？！
「香港人」？你當呢個身分係乜呀？
講呢堆說話既，仲要有唔少係大學專生
大專生，讀左咁多書，然後社會有問題，有不公義，有壓迫
你唔係企出黎發聲，同普羅大眾同一陣線，
反而匿係部電腦後面同我嗌移民？
講真，我都唔想講呢句，但係呢個moment，我真係好失望：我覺得我今日白食胡椒噴霧。
不過你地放心，我失望還失望，我唔會放棄出黎
我唔介意你班大帝繼續做Free Rider，但我會繼續鄙視你地呢班「知識分子」、「未來棟樑」。」
