廢托:即係平時 Express 如果臨時買最後果幾張都要成皮野??[表情]
(2018-09-07 17:27) 
第一，我對「一萬蚊一張回程機票」呢個講法好有保留。我自己親身上過網查過。9 月6日，仲可以買到9 月7 日，名古屋回香港既機票。四千幾蚊者。除左呢班機外，東京，名古屋，一周內再無其他航班係有機位的了。你比一萬蚊都買唔到。
另外，九州個邊，都有一兩班機可以返香港。三千幾蚊。仲要平D。
所以，有人傳出話一萬蚊一張機票。我唔係太相信。
第二，咁四千幾蚊都係貴。好貴！但唔係匪夷所思既離地價。你宜家去睇新年檔期既機票。五千幾蚊一程添。當然，標價係一回事。賣價係另一回事。遲少少佢一定逐步將價格調低。但旺季，仲要最貴個幾日，二千幾蚊一程走唔甩。
你宜家唔單止係旺季，仲要係全世界搶機票，幾個地方既人一齊搶。呢D 機票仲要係一早開賣，本來都已經得番極少數量。你一搶，有咩辦法會唔貴？
唯一方法，就係開多幾班航班。好似國泰今次就嬴盡掌聲了！
