[遮打革命]學生佔領公民廣場 黃之鋒被捕 警方出動防暴警察驅趕示威者 [復制鏈接]

雖然好多人好努力咁佔返個旺角。
不過認真，退後一步黎諗，打仗唔係咁打。
打個旺角返黎做咩？我未諗得明，除左為啖氣之外，旺角對政府有咩壓力？
旺角對市民有壓力，對民心有壓力，對黑社會有壓力，但對政府真係一D壓力都冇……
佢鍾意可以清你，唔鍾意可以由你喺度搞下，消磨民意
政府真係唔驚你佔旺角

我真係未諗得明要呢個地方做咩……

即係一個社區你要抗議政府，你唔會走去癱瘓個街市然後叫政府做野
因為其他人一定唔鍾意你，你搞得D旁觀者愈耐佢地唔會怪政府，只會怪你做咩搵佢地呢D旁觀者做籌碼去同政府講數…然後就會推左呢班人去反對自己
而即使唔係689，普通政府其實都真係睬你就出事…所以呢場仗明智嗎？

用戶被禁言,該主題自動屏蔽!

用戶被禁言,該主題自動屏蔽!

煙花:只可以話無旺角,根本呢場運動唔會行到呢步 (2014-10-18 02:18) 

行到呢一步令到民心再失，係成功定失敗？

一個運動重要既唔係將佢行到無限咁長遠而徒勞無功
係將當初所追求既野去爭取返黎

而家只係強調抗命而非訴求，咁樣持久落去既意思係咩？


九月廿八日所儲返黎既民意，又剩返幾多可以散播開去？

煙花:定係你住新界港島?? (2014-10-18 02:22)

有關係？

開導下我，我喺呢廿幾日都未諗得清旺角既優點……

利申：旺角同金鐘都有去過

之前，應該話好早期已經講過佔旺的用意
各好友亦有分析佔旺的壞處
明白你既擔心
但其實對住一個態度強硬、冇心對話的政府
難道佔鐘、佔銅政府又好大壓力？
香港人咁辛苦受 胡椒噴霧、捱打、訓街唔係為啖氣
係真係想一人一票選一個自己支持的人做特首

至於仗係唔係咁打
今次係香港史無前例既事，冇人可以完全清楚/預計點做
我只可以講一句:唇亡齒寒
當雙學都叫人重奪旺角，三地缺一不可
就知道即使要退，都肯定末係時候

局勢發展如此只好見步行步
只希望大家記得為何要走上街頭

我就咁睇,有旺角,警力先可以分散,如果唔係集中係金鐘, 睇怕金鐘都唔留得耐,
同埋今日,去到呢一刻,證明咗群眾唔係咁容易屈服,
我諗政府真係要重新考慮吓佢地要點樣回應.

不過希望在場人士有智慧,選擇放棄某D 佔領區,畢竟影響太大必定激起反感,而且亦冇足夠人數去睇場 (我知多定少都會有,不過少D啦 )

同埋旺角易聚易散，真係撒都有d橫街窄巷掩護
反而金鐘好似平原咁，易攻難守

旺角，當初就應該一係撐，一係就叫佢散，但戴生仲好開心咁講遍地開花，學聯或姐其他人係唔認同既，就唔好同佢地扯上關係，但係又遲遲唔表態，又唔去溝通，當中仲有好多市民唔認同佢地，但依家又話要靠佢地守。

其實依二十日旺角發生好多變化，有個女仔講，旺角黑夜之後，留守果班人基本上就唔同左，所以呢，依家佢地性質又唔同左，不過都係維持和平手段。

個人認為，冇旺角，依個運動冇可能走到依一步
你話認唔認同佢地呢?可能唔認同，你話需唔需要佢地呢?，你又會覺得需要

所以未到最後都未知佔旺角唔知係岩定唔岩。

用戶被禁言,該主題自動屏蔽!

用戶被禁言,該主題自動屏蔽!

羅力亞:同埋旺角易聚易散，隨時用橫街窄巷逃走
反而金鐘好似平原咁，易攻難守 (2014-10-18 02:40) 

呢樣都係旺角最危險既地方
有咩事太多橫街窄巷，做咩都冇人知
亦好配合一D遊擊戰，因為唔知敵人邊度黎

金鐘話係空曠，但就係咁空曠所以928後除左想推走D人去D暗角位之外，警察係唔敢胡亂清場
因為全世界記者都好清楚咁睇住，做錯咩事都唔容易避

用戶被禁言,該主題自動屏蔽!

反佔中既，點都改變唔到，你話中立既，我又唔覺得有咩影響到佢會無啦啦支持反佔中，除非不斷被政府，cctvb同東方洗腦

阿爺都講唔讓步，唔通就要乖乖地返屋企咩

用戶被禁言,該主題自動屏蔽!