數碼通跪低 提前續約可取消【本報訊】電訊商數碼通月初宣佈取消無限數據上網計劃後，突復推有關計劃，遭客戶連日炮轟數碼通此舉誤導客戶提早簽新合約連買新機以延長無限上網；數碼通終跪低，昨公佈早前簽新合約延續無限上網的客戶可取消合約，回復原有合約。
數碼通昨日公佈，本月 2日至 12日期間簽訂無限數據合約、又希望改變決定的客戶，可以選擇取消新合約，恢復其原有合約；當中簽訂新合約時需購買新機的客戶，則需要將完好未損壞的手機連跟機配件退回。但客戶必須在本月 17日至 29日期，帶同合約及相關文件到數碼通取消合約。
對於數碼通新安排，仍有苦主不滿，其中翁先生表示，當日為了趕尾班車，在數碼通排了兩小時續約，「呢啲損失數碼通隻字不提」，更糟是他已有 iPhone4，當日為續約要多購一部 iPhone4S，隨即變賣套現，「我邊有機拎去解約？我識得唔少朋友都係咁」。
昨午到數碼通抗議的公民力量青年軍召集人姚嘉俊表示，數碼通有需要以現金回贈的形式賠償客戶損失。消委會總幹事劉燕卿表示歡迎數碼通決定，給予消費者選擇權。消委會迄今接獲有關數碼通 19宗投訴及 59宗查詢。
數碼通於本月 2日宣佈無限數據將改為 2GB「封頂」，所有本月 13日前續約及現有合約的客戶均不受新推出的「用者自付」收費計劃影響，令不少用戶趕搭尾班車續約以延長無限上繼，但新合約附帶「辣招」，客戶需要額外購買多部 iPhone 4S手機；數碼通於本月 13日又宣佈回復無限上網，惹來客戶不滿，炮轟數碼通誤導。
==================================================================
出多部機果啲多數賣左出去，邊有機拎番去取消。
