泳手賽前例舉中指 為乜事咁燥火？
里約奧運游泳項目已經過數日賽事，除咗美國「水怪」費斯，孫楊同賀頓之間鬥爭亦係大家茶餘飯後話題。至於加拿大泳手干度里爾（Santo Condorelli），同樣引起媒體注意，呢位21歲短池泳手，被發現每次上場比賽一刻，都會舉中指的不雅動作，究竟點解呢？干度里爾之所以咁做，唔係因為佢勁憎現場觀眾，或者向對手挑釁，而係做畀佢爸爸睇，皆因阿爸同佢講，如果準備好游出好成績決心，就做舉中指手勢畀佢睇，證明為佳績豁出一切。
其實干度里爾自小因為父母離異，五歲開始由阿爸一直照顧，並且教佢游水，結果成為加拿大國家隊泳手，挑戰奧運獎牌。
http://hk.apple.nextmedia.com/realtime/sports/20160810/55480557
