【紅 魔 鬼 曼 聯 王 朝 討 論 區 】 [復制鏈接]

所以請到拖舟都無用。 只會帶黎一時既復興，唔會有基本上既改變。 我唔係話請宜家呢個就會，但你真係見到，曼聯高層係有少少改變佢地既諗法。佢唔止短期內請佢做領隊，同時間亦聘任佢為顧問。 似乎有諗過將佢個套球員理念引入曼聯。唔止係短時間既止痛，但有諗過長遠少少既鋪排同建立。唔似係單純既替工，臨時工。 同埋，呢類領隊，慣左係無資源既情況下帶領隊波，慣左限米煮限飯。唔會季季都多多要求。咁會減少同領導層之間既磨擦。  當然，同一時聞，佢地亦缺乏帶領住一大堆球星既經驗，要壓住班大帝，都幾考功夫。 呢到又要睇高層會有幾支持佢了。講個簡單既例子： 佢唔比C朗場場正選，會唔會輸一場就比人拎出黎鞭屍咁鞭？ 好似黑柴咁，上次比C朗抖左半場都比人鬧到狗血淋頭。 佢有冇呢份勇氣，同埋，有既話，能否得到無限既支持？ 呢個係勝敗既關鍵！

其實我想話，曼聯一開始個陣請莫耶斯，可能真係請岩人的了⋯⋯⋯⋯如果肯比多啲啲時間佢既話⋯⋯⋯⋯

可能五年時間佢可以重建球隊的了。唔駛蹉跎左十年⋯⋯⋯

不期望，不失望

freezefox:C朗既加盟，係咪計劃既一部分？我百分百肯定唔係！ 一切都係突然發生的！ 因為C朗突然要走，好衰唔衰，佢仲要走去曼城。你話走去PSG 都好哎，無睇屎乾淨盲。偏偏佢要去同巿死敵到。唔可以比呢件事發生。至少， 費SIR 會係咁諗。 佢走去遊說C朗個陣，有幾大程度係得到黑柴同意？我 .. (2021-11-26 11:14) 

老實講我又唔認為引入c朗係錯
不過呢個轉會係意料之外就真
今季冇c朗曼聯一早歐聯出左局
聯賽都排到榜尾咁濟
除咗季初卡叔健康過一輪基本都係養傷
靠綠木馬迪爾唔現實
冇c朗sob玩唔到咁耐..

freezefox:其實我想話，曼聯一開始個陣請莫耶斯，可能真係請岩人的了⋯⋯⋯⋯如果肯比多啲啲時間佢既話⋯⋯⋯⋯
可能五年時間佢可以重建球隊的了。唔駛蹉跎左十年⋯⋯⋯ (2021-11-26 11:22) 

椰子是無辜的

extra:老實講我又唔認為引入c朗係錯
不過呢個轉會係意料之外就真
今季冇c朗曼聯一早歐聯出左局
聯賽都排到榜尾咁濟
....... (2021-11-26 18:12)

上季無C朗，咁曼聯排第幾？無左C朗就唔掂，咁上季一路走來，係點踢的？

或者，我哋唔好用個「錯」字。用「原因」 。

C朗無錯，費SIR 無錯。不過，引入C朗間接就成為黑柴被炒既伏線。


C朗係場上係打得好，佢係好搏命。但同時，佢既存在亦影響緊其他人。C朗帶比曼聯既正面影響，彌補唔到佢帶黎既負面影。 咁係咪佢錯哎？梗係唔係佢錯啦。 但係原因囉。

最明顯既例子，一定係綠木！ 經過兩季既鋪排，其實今季緑木可以話收成期。 可以期待佢好似科頓咁成為球隊既主戰力。 當然，經驗尚淺，要佢撐起成季，無咩可能。所以黑柴上季季尾先講到明好需要卡雲尼留隊。全力爭取卡雲尼留隊。有佢同綠木輪換，以老帶幼，其實係一個幾唔錯既配搭。睇左咁耐，我諗無人會唔認同，綠木最佳位置一定係中鋒。而唔係翼鋒。 左右腳都擅射既佢，最強既武器就係射門。而唔係出波，二傳。 最重要，C 朗既加盟令佢心態上起左微妙既變化。 太急於表現自己。 變得愈黎愈獨食。無哂同隊友既配合。 上季， 你有冇見過咁既綠木？      

當然，呢個情況下，一個有料既領隊， 應該第一時間疏理綠木既心理，引導佢向正確方向出發。但好明顯，黑柴唔係呢類領隊。佢反而係由得綠木繼續係場上碰釘。 綠木係入到波既⋯⋯間中囉。但入唔到波個陣，咪千夫所指囉。 然後佢就更加急，更加要證明自己。 問題就愈陷愈深。

牽一髮，往往動全身。C朗無預警地空降，打亂左黑柴既部署。如果佢一早知會引入C朗，我諗佢唔會死都要留住卡雲尼，令到人腳更加過剩。球員分唔到應有既落場時間。 卡雲尼係老將，佢無太大問題，佢會甘心做綠葉。綠木呢啲要爭上位，就唔係咁諗的了。連皇就係另一受害者。我相信季初黑柴係真心想留連皇係隊，想比佢更加多時間落場的。但C朗又要踢足，仲要唔係聯賽踢足，歐聯都要踢足！辛祖七八千萬買返黎又唔可以唔比佢出場！綠木係球隊未來又要點都搵個位塞佢入去。普巴佢自己唔報稱受傷都一定係必然正選。呢個又要踢，個個又要踢，個個都要比足夠時間佢地落場。唔係好難同費SIR 交代，好難同木仔交代，好難同球迷交代⋯⋯⋯於是，連皇踢黎踢去都係垃圾時間。 有表現都係無得踢。 齋坐。咁係邊個既責任，咁當然係領隊既責任。佢負責出人架嘛。佢負責換人架嘛。佢有權架嘛。

佢真係有權？

更唔鐘意黑柴都好。佢係真係一個老好人黎的。曼聯賠比佢個七百幾萬，佢全部捐哂比慈喜機構。佢真係可以大大聲話比人聽，佢返黎唔係為錢！係真心愛曼聯的。不過佢既性格，佢既能力，食唔住呢份工囉。 對住費SIR，佢點SAY NO？對住木仔，佢點夠人玩權術？ 佢有親和力既⋯⋯不過僅僅如此。 所以，無C朗既加盟，可能，一切照佢原本既計劃進行，佢仲識得點捉呢盤棋。奪冠唔駛諗的了。前四呀，歐聯呀，安安分分問題不太大既。 一加左C朗入黎，完全OVER 哂佢既應付能力。 即刻玩完！

freezefox:上季無C朗，咁曼聯排第幾？無左C朗就唔掂，咁上季一路走來，係點踢的？
或者，我哋唔好用個「錯」字。用「原因」 。
....... (2021-11-26 22:59) 

上季既英超..利記後防重災區, 中堅甚至門將都傷埋, 車仔上半季又係甩6, 李城熱刺又唔夠陣容深度打快車, 阿仙奴仲摸索緊, 得番一隊陣容比較完整既曼城咪無壓力奪冠lor, 仲要曼城基本上都無阿古路咁踢,即使係咁上季你都唔會認為曼聯有實力去奪冠架嘛?

C朗既加盟當然係意料之外, 而佢係前線當然會影響到其他球員既表現, 但磨合呢樣野係教練團去做架嘛, 綠木唔岩踢翼咪試下雙箭頭lor, 442試下都無妨架? 球員狀態有上有落好正常, 但係冇態咪比其他有態既上lor有咩問題? 人員管理黎架喎, 換著你係坐戈個都接受唔到啦, 大佬, 場上戈班踢到pat屎咁都仲場場有正選, 垃圾時間比我落去踢幾分鐘叫比機會, 咁樣做上司班下屬點會同你賣命先? 我明白麥龜般奴shaw戈幾位好賣命幫佢坐穩主帥甚至麥湯fred呢堆任勞任怨既革命感情, 但唔代表就一定要場場出佢地打正選下話? 綠木依家先廿歲定位輪換無問題丫點解要夾硬場場出? foden都坐左幾季啦唔係silva走佢都無咁多機會出場, 加上無埋阿古路先有機會打正選姐, 係大會個個都係憑表現爭出場機會架啦, 用人為親係邊度都係死罪黎架喎, 上季成日都要卡叔後備上陣救命, 今季即使唔簽c朗卡叔又可以做到幾多野? 佢今季傷病一直唔斷, 後備上陣救命戈位只會係馬迪爾

我唔否認sob係好愛曼聯, 我一開始都好想佢走, 但佢走左我睇到佢個interview都好難過, 但現實係佢戈套真係見底唔work呀, 幾唔想都要離開
佢戈套中國式人員管理(紅魔dna/人情味)真係唔work呢
依家呢位rangnick得唔得仲未知, 但係就目前已知既訊息似係現代化管理風格
追求既係可持續既發展策略, 而且人地係有往績支持, 睇下紅牛集團既成長就知
同sob戈套搵番晒d舊人番黎真係完全唔同, 唔係話唔得
但戈堆根本一d經驗都無, 如果唔係踢過曼聯根本唔會請
咁樣既一堆人空降主管我諗邊間公司都無運行

結論: 我唔覺得係因為一兩個球員就可以整死一位教練
呢個過程佢明明可以做好多野去嘗試改變個結局
但佢一直無作為唔願意去嘗試 (至少係比賽上見唔到)
咁離開都係遲早既事
當然目前英超既對手的確係世界最頂級
tuchel, klopp, guardiola 任何一位都係奇才
對手太強更顯得出佢既能力差距
變幻才是永恆, 一成不變只會被淘汰
希望佢可以好好休息後重新出發

滅羅:傻仔木終於係臨走前有d建樹 (2021-11-26 10:08) 

呢單唔關木仔事
係murtough早幾年已經去過紅牛學野
戈陣時已經有探過口風
只係管理層唔肯放咁大權力所以唔成事
今次如果唔係戈2年顧問合約人地都唔會肯黎
好希望rangnick既魔法係曼聯都work

據報部份曼聯球員對於球會確定聘請蘭歷克做領隊，但事前完全冇知會或諮詢球員，感到非常不滿。


所以⋯⋯⋯⋯隊波攪成咁，真係領隊一個人既問題？

freezefox:據報部份曼聯球員對於球會確定聘請蘭歷克做領隊，但事前完全冇知會或諮詢球員，感到非常不滿。
所以⋯⋯⋯⋯隊波攪成咁，真係領隊一個人既問題？ (2021-11-27 12:20) 

班球員俾人養到肥晒

freezefox:據報部份曼聯球員對於球會確定聘請蘭歷克做領隊，但事前完全冇知會或諮詢球員，感到非常不滿。
所以⋯⋯⋯⋯隊波攪成咁，真係領隊一個人既問題？ (2021-11-27 12:20) 

xx 人是需要管的




不過唔知係真定記者吹，可能係作故仔

chun1424:xx 人是需要管的
....... (2021-11-27 17:33) 

出自波事春秋，無SOURCE ，可以存疑。

正中鋒位一直都搵唔到人選都係咁多年既事

成功既就係伊巴, 卡雲尼
失敗既就係 LKK, 馬斯亞

簽C7 一定係計劃之外, 但我估選擇點都好過其他
影響力, 前點作用, 心態上
諗返起之前係要追住簽文迪蘇傑, 洛蘭迪呢D 高大中鋒, 搵左幾耐先搵到卡雲尼

但隊波其實個根, 係由中後場線到前鋒都未有一個好係 FORM 去踢, 好多野都開始放到好大
前場壓迫, 但中場永遠都唔會跟, 反擊個波都好難成功組織過到前場

AWB 右線助攻, 比起 JAMES, TAA, CANCELO, 衰D 講既就仲差過富安健洋
M5 既錯無限放大
Shaw 都無上季咁 SHARP
MCFRED 災難演出

而家有新帥/顧問係好事, 而家球隊個FORM 同車利曼差兩班波
調教下係好事

無麥龜既防線的確幾好，每人走多步

fred 柒左笠射果腳，唔計既真係 10分滿分