[遮打革命]學生佔領公民廣場 黃之鋒被捕 警方出動防暴警察驅趕示威者 [復制鏈接]

滅羅:我多數係尼到睇關於佔中既news
但都會週圍遊走下
見有人話政府贏得漂亮
我又理解唔到,所以問下大家要點樣先睇得出係政府贏
....... (2014-10-22 01:04) 

下？你問既問題同我篇文無關係架喎。認為政府贏得漂亮既人，基本上就係藍帶個邊既人。我估佢地連會談直播都未必有睇。反正政府講咩佢地都會覺得政府全對架啦。佢地根本無心理解個會談既內容，只係想知佔領人士幾時肯收工。



我豋個篇文係講另一樣野的。並非回應你的問題的。

駁政府 吳靄儀：我04年已反對人大決定

對於律政司長袁國強在與學聯的會面中表示，2004年全國人大解釋政改決定時無人反對。公民黨前法律界議員吳靄儀反駁指，自己在2004年時已反對人大決定及解釋。
吳靄儀反駁指，當年自己就是反對者，更為此成立基本法45條關注小組，現時仍留有小冊子在手，並嘲笑袁國強當年都不知在哪裡。
袁國強在會談中指，全國人大屬於最高權力的架構，應容許人大去作出修改，並在最早期給予方向性的指引。他稱，在政改第一部曲和第五部曲全國人大均有參與，如果人大一開始不給予方向性的指引，而到政改第五部曲，才表示對政改不贊成，會出現憲制危機。

http://news.mingpao.com/ins/%E9%A7%81%E6%94%BF%E5%BA%9C%20%E5%90%B3%E9%9D%84%E5%84%80%EF%BC%9A%E6%88%9104%E5%B9%B4%E5%B7%B2%E5%8F%8D%E5%B0%8D%E4%BA%BA%E5%A4%A7%E6%B1%BA%E5%AE%9A/web_tc/article/20141021/s00001/1413897339631

freezefox:五人中我覺得佢真係最有台型！殺哂！ (2014-10-22 00:22) 

對於基本法, 佢比袁國強更熟, 究竟邊便係官員, 邊便係學生?

其實唔應該當辯論比賽咁睇要分勝負
學聯要做的不止要在兩個鐘內申明立場
更加要向政府施壓
相反政府只要重覆以往論點、遊下花園，拖到夠鐘就搞掂

其實政府除了講返以往d論點，就得個冇實質作用的所謂民情報告
仲有兩件連聲都冇得出
相反學聯分工清晰，做到情理兼備、不亢不卑
叫做左份內事

但如我所講，今次唔係辯論比賽
學聯要做唔係說服政府
而係要令香港市民知道政府厄左我地好多年
一直係度做戲
如果有下次對話，學聯一定要有新論點去打依方面
不過今次已經做得唔錯了，一個預左冇結果的對話
又可以再要求咩

火鳳凰:藍絲果班人真係完全可以不理，我睇佢地的評論竟然可以話︰「林鄭引用張融既150萬人簽名，完美 KO 周永康講既80萬人公投」……[表情]
而老狐引用果班抽後腿既人，相信大部份都係雙黃既信徒。佢地認為學聯應該好似毓民咁一上場就青筋暴現大罵幾個官員，由開場罵到 .. (2014-10-22 09:19)

如果"吾爾開希"上身相信好多人都反感
仲會比機會藍屍攻擊
相反宜家真係理性對話，做到和而不同、不亢不卑，收貨了

火鳳凰:藍絲果班人真係完全可以不理，我睇佢地的評論竟然可以話︰「林鄭引用張融既150萬人簽名，完美 KO 周永康講既80萬人公投」……[表情]
而老狐引用果班抽後腿既人，相信大部份都係雙黃既信徒。佢地認為學聯應該好似毓民咁一上場就青筋暴現大罵幾個官員，由開場罵到 .. (2014-10-22 09:19) 

其實要係會上唔只一次提到張融, 已知佢地係技窮, 相信佢地自己心中都好唔想張呢個人名掛係口邊.......

火鳳凰:話說回來，官員方面某程度上係 handicap，佢地要夾硬為缺乏法據、全無理據、只係粗暴既人大落閘護航……
  
你俾的真正辯論高手都唔會回應得好，更何況佢地都唔係咩高手……[表情]
....... (2014-10-22 09:27) 

佢地唔可以認同, 又唔可以否認, 又唔可以有建議, 又唔可能俾承諾, 只能夠重複論調, 其實都幾悲, 純靠林鄭個人質素頂住而已............

【短片】【林鄭耍虛招　學生拒撤】
http://bit.ly/1py9HAc
【扮親切　叫學生英文名】
http://bit.ly/1py9Jbj
【劉江華、邱騰華　淪為觀眾】
http://bit.ly/1py9Jbl
【短片】【對話無助勸退佔領人士】
http://bit.ly/1py9Jbp

你地係被時代選中既官員 - 呢句真係正

羅力亞:其實唔應該當辯論比賽咁睇要分勝負
學聯要做的不止要在兩個鐘內申明立場
更加要向政府施壓
相反政府只要重覆以往論點、遊下花園，拖到夠鐘就搞掂
....... (2014-10-22 09:25) 

無錯，根本就唔應該用「輸羸」去評論今次既會談。夾硬要講，呢個會談由一開始就係無可能「羸」。如果所謂既羸就係即時要爭取到公民提名，人大放下框架，容許再次商討普選內容。十萬八萬人訓左街成個月都爭取唔到，一個兩小時既會談邊可能一下子就爭取到？


政府一開始就落哂閘。話到明咩都唔會變。一味叫你返屋企。基本上佢地都只係黎做場大龍鳳就走人。係呢個層面上，你可以傾到咩返黎？


所以個會談既目的，唔係要爭取咩，係要迫政府係全港巿民面前再一次賴皮。更加係學生領袖係全港巿民面前，可以第一次以對等既身份同官員陳述香港人既訴求。係巿民面前陳述自己既理念，雖然我知對某D 人黎講係多餘，但我深信仍然有不少人係被尋晚學生領袖既表現深深打動的。

火鳳凰:話說回來，官員方面某程度上係 handicap，佢地要夾硬為缺乏法據、全無理據、只係粗暴既人大落閘護航……
  
你俾的真正辯論高手都唔會回應得好，更何況佢地都唔係咩高手……[表情]
....... (2014-10-22 09:27) 

不過講真，其實兩方面都有呢個難題。如果真係有心「講數」，俗D 咁講，要「四四六六拆掂佢」，好多說話係唔出得街的。唔單係官員呢方面，學生亦都一樣。所以，公開辦論根本唔係要黎講數用的。大家都無可以下台既梯，兩邊都係向自己既支持者/ 大老細交代吧了。


真係要講傾既，除非有閉門會議。但一有閉門會議，學生呢便一定受到某些有心人既攻擊，真係任佢點屈都得。

freezefox:
係巿民面前陳述自己既理念，雖然我知對某D 人黎講係多餘，但我深信仍然有不少人係被尋晚學生領袖既表現深深打動的。
.......

我諗所謂既學聯嬴應該就係指意見中立/游離份子都受到感動開始傾向支持學生果邊

只於政府贏乜我望唔透

迪神:我諗所謂既學聯嬴應該就係指意見中立/游離份子都受到感動開始傾向支持學生果邊
只於政府贏乜我望唔透[表情] (2014-10-22 11:32) 

都唔好話咩傾向唔傾向，只要有一班人肯用下個腦，睇睇眼前既學生領袖，同佢地一直心中既暴徒形象係咪吻合！？呢班陳述意見時，條理分明，引經據典，你連理解佢講既說話既內容都感到好吃力（因為太高層次啦）既學生領袖，會唔會係你平時成日老屈佢地係比人煸動，受人唆擺，入面未深，「咩都唔識」既黃毛小子。

你唔肯諗，無計！你只要稍為肯諗一諗，都會發覺你見到既同你平日諗既有好大分別！

我希望佢地贏返更多人肯承認「學生呢鋪代表我」

迪克:我希望佢地贏返更多人肯承認「學生呢鋪代表我」 (2014-10-22 12:15) 

頭腦清晰, 言之有物, 講真好過好大部份的所謂官員, 應該攞唔少分~~~