出返個賽後感先
一開波皇馬明顯已經好有鬥心要贏對方，不停咁搶攻對手。C.Ronaldo好明顯唔Fit同睇得出真係紮住上，
都真係辛苦咗佢，但係都見佢踢得幾落力。Adebayour4分鐘就為皇馬打開紀錄，咁早嘅入球為皇馬開好個頭，
當然呢一球要多謝對方守將無跟實Ade嘅關係啦(唔知係咪Jeans)，10分鐘後，熱刺就打少個前鋒Crouch，果陣時皇馬個勢都已經打得好順，
加上對方打少個關係，我地有攻勢但就係射唔入掙緊d運。都要係度讚一讚熱刺既係佢地士氣同埋Bale真係好有威脅，
當時佢地一心要係守住半場一球，結果比佢地做到。Bale都有幾下嘅攻勢都好到肉，差d比佢地入返球。
到咗下半場，RM繼續禁住黎打，其實都預咗，始終我地打多人地一個情況下，結果喺57分鐘，對方走甩Adebayour情況下領先2比0(又係頭鎚
)
當時熱刺d球員都feel到佢地開始攰。之後15分鍾到，Di Maria果球世界波可以話將熱刺打到入谷底。
3比0之後，熱刺真係踢到散哂，唔係傷既傷，攰既攰。不過都正常既，捱到果時都已經好難得。
仲有一點要讚嘅係到咗最後15分鐘我地都冇放軟手腳繼續攻，攻到補時都繼續攻，唔係hea踢等完場。呢點真係可加
呢D就係踢歐洲賽需要既心態，結果好輕鬆以4比0完場。35次射門(11次中框)，攻足一個成場，完全見到皇馬球員既決心
，
呢場波關鍵可以話係Crouch扲兩黃一紅，下場都可以嘗試比多d機會其他球員上陣，比d主力抖下，特別係C.Ronaldo、Ozil.........比Kaka、Garay、Granero、Lass..........出。
