引用第27樓sun於2012-05-02 11:42發表的“”:
我呢邊都有類同你果d既快餐店...一樣都係假日休息!
原因就好似你話齋...個個都放假又唔會有人行街行去工貿區的話...
.......
若然開口係無生意做既，就算係零成本都無人會開門做生意。因為佢都要時間睇住間鋪架。
所以生意一定有，係去到邊個位，COVER 到邊個COST，再計算值唔值得開檔。
租金係FIX COST，你開檔唔開檔我都收硬你。你開多一日，租金反而可以攤分多一日，平均租金就會稍為降低。所以，唔計其他理由，開足三十日一定好過你開二十六日。
但水電人工就唔同了。你開多一日就要比多一日錢。所以收入若然可以抵消呢D 支出，先有可能考慮開。有D 食店唔憂做，呢日賺得雞碎咁多，佢都費時開檔。放日假比自己去玩唔好？但有D 食店、公司已經經營艱難，寧願自己無假放，賺得一蚊得一蚊。否則分分鐘做唔住。呢類小本經營既公司、食店，以前，係連星期日無咩生意（無咩，唔係等如無），賺得雞碎咁多既日子都一樣開工的。
呢D，係好境個陣你係唔會見到的，係唔好景先有咁既情況。好景，人人唔憂做，做咩要做得咁辛苦？
最低工資實行後，問題已經唔係要比多個一日既電費、比多個一日既人工咁簡單。因為大家知道最低工資計算上，仲要計埋你返左幾多個鐘，返左幾多日。去到某一個數，你仲要額外比假期，額外比津貼。唔係簡單地，加一日班比一日錢的。好大機會因為要加呢一日班，因此而比多三幾日甚至一個星期既人工出黎（之前都有報導報導過最低工資係呢方面既荒謬之處啦，大家應該記得架）。
於是，以前肯開，辛苦少少，都仲有雞碎咁多落袋。宜家你開檔，唔單止連雞碎咁多都無埋，仲要倒貼，咁你仲會唔會開檔？
唔好用個D從來都唔係星期日開檔做生意既鋪頭做例子。因為佢地本來就無打算開檔。攞黎做例子就係多餘。要睇個D，本來星期日有開檔，但最低工資實行後，星期日唔再開檔既食店、公司。
我係親口問佢老細點解無端端星期日唔開檔，佢答我係最低工資令佢唔開檔的。唔係我自己估的。
