球迷，球迷，所謂迷者，正正係感性既表現。
所以，球迷表現得過於感情用事，感性高於理性，係正常不過既事。好似文章作者所講，自己捧左隊五十年黎都無得過一個獎杯既球隊，但仍然妄想佢有日奪標。呢d咪唔理性囉。但有時太理性，又有咩意思呢？
不過，話番轉頭，對愛隊不理性既偏愛，本身並無傷害性。所以，幾唔理性都好，都係自己既事。但好多球迷既非理性行為，卻係對其他人帶有傷害性既。我地要避免既正正係呢類帶傷害性既不理性球迷行為。
好友論壇比之其他論壇，係呢方面，表現得理性好多。每年既曼聯阿仙奴大戰之後，例必係各大小論壇引發最少為期大半個月既粗口駡戰。最少，係呢到無。
