我就覺得，謝仔、加利仔同奧雲仔都可以。泰利........依家仲未可以做得到。
睇國家隊出席率：
泰利：22
謝仔：40
奧雲仔：75
加利仔：78
計邊個係老大哥，後面兩件都仲未夠班，奧、加多佢地一倍至三倍添。
計經驗：
加利仔同奧雲仔徵戰多年，上屆世界盃同歐國盃都有佢地份！
反觀泰利同謝仔就只係第一次踢世界盃。
計表現：
加利仔算係有穩定表現的國家隊成員；
其他三個都仲係海鮮波。相信大家覺得謝仔唔好係因為佢響歐國盃交個直線俾亨利導致輸波所致。
計感染力：
奧雲好少出聲，同埋個外形太柔弱，無大將之風。
加利仔都ok，但係如果選下一任.......佢應該無乜機會。畢竟廉頗老矣!
謝仔，全場奔走既精神同下下搏盡既表現真係可以帶領球隊。兩年的決賽都反敗為勝可見一班。
泰利，佢d負面新聞都係傳出黎，故且不理。單計場上表現夠穩定，後防一夫當關，有領袖風範。
俾我揀，我梗係揀我大佬咖啦。但係車仔如日方中，麥卡倫會點揀真係...........
