我記得第一場看全場o既比賽係tvb播fa cup決賽.... everton 1-0 man utd... 好似係95年到?
個個看好man utd, 令我唔想捧man utd.... 哈哈... 自此以後憎埋隊波.....
最早看足球個時,明珠台每個禮拜六黃昏播英超精華.... 我得個六,七歲,英文都未識,就個個禮拜追.... 一開始就鍾意norwich.... (還記得第一屆英超norwich排第三,在man utd 同villa 之後) 歐洲賽仲遇上拜仁添.... 可惜後來d球星俾人一個接一個買走..... 同時當年英超"spice boys"(列納,麥馬拿文同科拿)崛起,令我開始對利物浦著迷.....
講到印象深刻... 最深刻,而家作為利物浦fans,就當然係05歐聯決賽啦~半場真係有少少想熄機訓覺o既沖動,不過再想清楚,作為fans,無理由中途離場咁唔尊重.... 所以就留低支持球隊... 點知... 入下一球,入下又一球! dudek連救舒夫真高個兩球看到我心都離埋.... 最後當然好感動+激動!! 自己一個在家跳黎跳去... 好似癲左咁~
阿記跨季不敗之類o既事,我欣賞他們o既實力,不過無俾我太大感觸....
反而大家有無看過le tissier(拿鐵斯)?我就超鍾意佢... 好可惜國家隊無機會俾佢發揮.... 一個人獨力支撐成隊修咸頓,當年小谷球場d球迷真係個個當佢神咁拜架(開親角球一定有).... 6-3擊敗曼聯夠經典,而拿鐵斯入過無數精彩絕倫o既入球,遠射又有,一人過幾關(用技術,唔係用速度)再射入又有... 超正!
左後衛卡路士d重炮又係一絕... 除左最出名對法國個場o既雙重香蕉球之外,仲有聯賽試過在左邊底線前幾碼到踢個波出黎(好"衡"o既一腳波),全世界以為佢傳中(包括對方門將),個波飛到近小禁區竟然香蕉形咁飛左入網!! 好癲!! (唔記得對rayo vallecano定real mallorca定邊隊喇....)卡路士仲有好幾個呢d經典香蕉形重炮.... 好記得!
然後真路拿啦.... 同拿鐵斯一樣,天才球員但國家隊就懷才不遇.... 不過有少少聰明反被聰明誤喇真路拿就.... 大家可能唔知/唔記得點解佢會搞成咁,事緣當年(94年)法國國家隊教練係侯利亞,當時世界盃外圍賽,法國同保加利亞同組,個時臨完場,如果兩隊波個兩場賽果不變,就會係法國晉級.... 法國補時逼得一個角球,以侯利亞o既保守,估都估到佢會叫人開個短o既"差"埋d時間去,點之真路拿接應個波之後走去玩扭人,扭失左比人反擊入波,令法國入唔到世界盃(最後保加利亞仲拿第三/四添!) 唉....
列納又係一代天才.... 可惜受傷患影響,又係打國家隊打得唔多.....
92歐國盃,丹麥以後補身分加入(因為南斯拉夫打仗被罰唔打得?),竟然贏得冠軍,嚇死全世界... 個時有勞特立兄弟同舒米高.... 個個都因此成名.... 至於96歐國盃... 我o既愛隊捷克決賽先輸俾德國比亞荷夫o既一個頭鎚... 不過貝加,尼維特,普波斯機同史米沙就出晒名.... 貝加(從多蒙特?)加盟利物浦,射入唔少超正o既神奇罰球....
大哨響巴塞崛起又係經典....繼當年保加利亞名宿史岱捷哥夫同買巴西前鋒羅馬里奧之後就到大哨.當年係西甲場場猛咁扭人,話過就過,個場對一隊叫compostelao既隊(而家跌到唔知去左邊...), 又中場線後少少開始,一個扭六,七個,最後過買龍門先射入... 超勁..... 個時o既大哨,場場波話入你就入你... 好恐怖....
98世界盃,碧咸虎尾腳領紅,但奧雲對阿根廷一戰成名+鄰家男孩形象,俘虜萬千少女球迷o既心.... 仲有柏金對阿根廷個球volley... 精彩到暈.... 04歐國盃捷克就慘喇... 一代精英最後一個機會,分組賽同組有荷蘭同德國,都戲劇性過到(三場都從後趕上,特別係荷蘭個場,有機會一定要看看!!精彩程度可以話係僅次於05年利物浦 vs AC米蘭,呢到唔多講), 竟然比希臘淘汰.... 好慘....
近代d就要數列斯... 當年成班青春班,打到識飛咁... 如果將個班球員數番出黎,都真係幾嚇人架.... 仲入到歐聯四強先輸比華倫.... 不過隊波而家搞成咁... 打緊英甲至餘仲要從-15分開始..... 而韋斯咸d青訓亦好出色.... 而家數番,如果全部留在韋斯咸就不得了喇... 後面有里奧費迪南,格連莊神,中場有祖高爾,卡域克,林柏特,前面有迪科爾....
嘩.... 打到咁長.... 怕你地無心機看下去.... 其實仲有好多深刻o既事.... 有機會再分享啦~
