免費競猜世界盃決賽組合及世界盃冠軍 (切勿吹水) [復制鏈接]

世界盃決賽組合:
阿根廷 VS 西班牙
英格蘭個人唔睇好, 巴西又未見突出, 西班牙就一定係其中之一, 要揀的只有阿根廷/荷籣, 而阿根廷有messi top fit



世界盃冠軍
西班牙: 前中後都fit, 把關仲有卡斯拿斯, sure win

世界盃決賽組合:
英格蘭 vs 德國
本身睇開英超,一定支持英格蘭打入決賽; 見好多人都選西班牙,巴西,阿根庭, 但低甚少人留意意大利同德國, 我就博佢爆冷,搵德國繼續佢二奶命

世界杯冠軍:
英格蘭

太想英格蘭拎第二次世界盃冠軍,英軍 go go go

世界盃決賽組合:
德國 VS 荷蘭

英格蘭同阿根庭大賽唔睇好, 大賽都係睇德國
巴西對西班牙8強戰勝負難料, 不如撐愛隊荷蘭


世界盃冠軍
德國

條線幾好行, 又有大賽命

世界盃決賽組合:
西班牙 VS 英格蘭

評論:
2隊都有2個liverpool球員 加上西班牙係06歐國杯冠軍得主,而陣中又有多名頂級球員,如沙維,法比加斯,恩尼斯達,韋拿 狀態大勇,基本上係決賽穩膽,而英格蘭有今年好fit既朗尼,加上名帥卡比路,絕對有力打入決賽,打破近年大賽無好成績既宿命。

世界盃冠軍:
西班牙

評論:
整體實力上,西班牙始終佔優,加上未曾奪過世盃冠軍下,今年係最大機會,所以球員一定博哂命去爭取冠軍。

世界盃決賽組合:
阿根廷 VS 西班牙
我最鍾意阿根廷冇理由唔支持姐
西班牙根本屈機,入硬

世界盃冠軍
阿根廷 : 支持魔咒(拎完歐國盃既球隊未試過拎世界盃),加上我鍾意美斯仔梗係希望佢拎冠軍

世界盃決賽組合:
英格蘭 VS 西班牙
大熱組合，加上英格蘭自從卡比路執教後成綪大有進步，希望今屆世盃可以一完捧世盃之夢
西班牙，實力不容置疑，差不多每個位置都係世界頂級，冇理由入唔到決賽

世界盃冠軍
西班牙 : 始終實力更勝英軍一籌

世界盃決賽組合:
英格蘭 VS 阿根廷

分析過出線形勢同出線圖...上線得C組的首名比較穩陣...其餘A E G組出線形態十分微妙...所以估英格蘭會入決賽...至於下線...由於想獨得3萬..所以放棄選擇西班牙..而我唯有將希望放在阿根廷身上...希望美斯在世盃屈機

世界盃冠軍
荷蘭

自己今屆覺得荷蘭實力最強...但身在死亡之組..能否首名出線都唔清楚..唯一一支國家隊最後的大軍名單有我的愛隊球員...包括雲佩斯同希汀加..作為fans好應該支持...另外陣中有史奈達同洛賓...歐聯決賽當中上陣的球員...十分強勁...再配合古治、雲達華治...(下刪1000字),荷蘭絕對係今屆的大熱

世界盃決賽組合:
E1: 荷蘭 VS H1: 西班牙

荷蘭 - 響前幾屆世盃都有內憂外患既問題 (如黑白種族岐視等等)，而今屆連傷兵問題都大致上克服了…一班容易受傷的男人 RVP、VDV、ROBBEN 什至 SNEIJDER，響熱身賽既發揮有目共睹，中場有 DE JONG 同 VAN BOMMEL 助守，更有助一班天才型球員前場既發揮！另外幾重要既一點…兩名前皇馬既球員 ROBBEN 同 SNEIJDER 雙雙打入歐聯決賽，更顯得今屆既荷蘭有入決賽既相。

西班牙 - 世盃大熱門，歐國盃以近乎無敵姿態奪冠，三線實力平均…加上中前場控球實力比其他隊伍為高，相信每場比賽數據上已經係一面倒勝利。




世界盃冠軍
荷蘭

世界盃決賽組合:
Netherlands VS Argentina

阿根廷有多名巨星係阿根廷,入決賽機會勁大,
睇好愛隊(荷蘭)入決賽,並且贏埋.因為有RVP+sneijder+robben就夠做.大打全攻足球

世界盃冠軍
Netherlands

世界盃決賽組合:
巴西對德國

英格蘭同西班牙完全被人家睇好.所以受到好多壓力.我相信呢2隊應該係34名
巴西德國呢個係02年組合.德國俾人睇低.又少左波歷克.但新人既力量唔好睇小.
本人想獨得3萬蚊.所以選呢個組合

世界盃冠軍
巴西

世界盃決賽組合:
巴西 VS 西班牙

西班牙不嬲人腳都唔差，係差在一d拎冠軍既經驗同自信，經過歐冠後佢地成隊波都唔同哂，而且每一線既人腳都非常出色，佢地入決賽既機會比任何隊伍都大。巴西方面，主要係佢地既後防真係有好好既人腳，中前場雖然無d星味，但係就同時間減低左佢地既壓力，而且唔係歐洲打既世盃南美隊又會踢勁d，所以覺得佢可以險勝英格蘭入決賽。


世界杯冠軍:
西班牙

強者轉移有序，期待左咁多年，我覺得終於到西班牙皇朝既來臨。

世界盃決賽組合:
荷蘭 VS 西班牙
結合兩大聯賽, 長call必勝

世界盃冠軍
荷蘭 : VPS Robben VDV Sneijder 呢四位球員所組成既鋒線相當強勁 加上近排熱身賽既好狀態 我絕對睇好荷蘭奪冠

世界盃決賽組合：巴西 vs 阿根廷

世界盃傳統由所屬洲份球隊勝出，只有巴西可以越洲捧盃 (1958年瑞典世界盃)、(2002年日韓世界盃)，顯示出球隊對地域既習慣性有致命影響力。
今屆首次由非洲國家主辦，論賽力非洲隊暫時無可能捧盃，所以會揀同樣黎自南半球既美洲球隊，實力上巴西屬傳統強國，阿根廷又有大勇既美斯壓陣，兩大南美世仇好大機會黎一次世紀決戰。

世界盃冠軍：巴西

17 次世界盃只出過 7 隊冠軍：烏拉圭(2)、意大利(3)、德國(3)、巴西(5)、英格蘭(1)、阿根廷(2)、法國(1)

如決賽組合所言，傳統冠軍既威力係不容置疑，因為唔睇好歐洲隊伍，再減去長期不振既烏拉圭，冠軍應屬巴西同阿根廷之爭，論實力不相上下，再考慮埋領隊，見老馬神神化化，始終覺得巴西會歷史性六奪冠軍。

世界盃決賽組合:
西班牙 VS 巴西

西班牙挾近兩年巴塞王者之氣勢，相這有力於本屆一爭雌雄；
巴西由鄧加帶領下踢出實用而有效率的足球，實力強橫。

至今，只有歐洲和南美洲的球隊曾在世界盃打進決賽，雙方各贏得九次冠軍。 - from wikia

世界盃冠軍
西班牙

支持西班牙首奪金盃；巴西下屆主場捧盃啦！

世界盃決賽組合:
英格蘭 VS 荷蘭
英格蘭由卡比路領軍...的確比到粉絲們信心。由選人到用人都不停比驚喜我地，加上人腳實在太好了！！朗尼＋林伯＋泰利！！前中後齊哂！！！荷蘭人腳都好齊，絕對有機會殺入決賽的！！！

世界盃冠軍
英格蘭 : 前中後都有，最有機會問鼎冠軍既一年。