[遮打革命]學生佔領公民廣場 黃之鋒被捕 警方出動防暴警察驅趕示威者 [復制鏈接]

senal:我係夏𢡱道近學聯吹水台個邊，無入去立法會個邊
有 d 人叫人入去幫拖我真係睬佢都有味，訓覺好過
....... (2014-11-19 13:14) 

衝要有目標, 出師有名, 有planning
剩係咁耐都打唔爆玻璃已經有夠狗衝

尋日所見, 防線鐵馬果D唔係唔想幫,
唔夠信念令D人訓身支持

由超過1,400間音樂、電影等公司組成的「香港版權大聯盟」發表聲明，對有人以阻止議員討論草案為藉口衝擊立法會，感到錯愕。

【版權大聯盟斥有人借網絡23條衝擊】
http://bit.ly/1vnSxNI

火鳳凰:呢班友插佔中插左成年，到真正成事果陣，就走出黎不斷玩騎劫、搞破壞、歪理連篇，無恥程度同建制派真係有得揮…… (2014-11-19 13:56) 

建制派係明刀明槍同你打對台！


佢地就係你營陣入面放冷箭…………

三郎:其實最想做大會係佢地,
香港民主係輸比佢地,經過今次件事,689只要小心D,應該羸硬
今日仲見到佢地係到兜,成班人留言同紅衛兵無分別,, (2014-11-19 13:51) 

點解一直要強調無大會？因為無大會佢地咪就可以無皇管囉。鐘意點都得，你奈佢唔何。有大會，凡事有規有舉，有商有量。少數派唔可能控制到個最終決定權，佢地咪咩都唔做得囉。如果同大會既理念或做法有衝突。大會有權叫停，甚至遣責。因為大會係授權於大部分既群眾的。有認受性的！同時亦有制約能力！


所以最反對有大會既就係呢D 人…………

senal:黃洋達呢條友真係機會主義者
尋晚十二點幾見住佢係大台個邊食花生，班o靚就日日不遺餘力追擊大台，由前排開始插陳小萍，到而家話要拆大台都一直不斷推波助欄 [表情]
 (2014-11-19 14:49) 

其實呢幾年睇左佢咁多野，都睇清楚佢係一個咩人黎啦。

火鳳凰:呢班友插佔中插左成年，到真正成事果陣，就走出黎不斷玩騎劫、搞破壞、歪理連篇，無恥程度同建制派真係有得揮…… (2014-11-19 13:56) 

好記得 928 個晚，黃洋達係金鐘不斷開咪講野，講 d 咩呢？

佢竟然係「引述」學聯既呼籲，係咁重覆話學聯呼籲市民撒退，但就無講原因（因為有傳警方會用橡膠子彈、音波炮」，好多在場既人聽到，都覺得學聯叫人走無鬼用，或者覺得反感

之後，呢個勇武首領就好熱血問人「大家會唔會走？」，d 人就緊係答唔會啦，咁就幫自己塑造左一個英雄形象

順帶一提，勇武首領個陣企個位最近地鐘站，今時今日佢地個檔口都係係同樣位置

曾鈺成強調為立會改善保安的顧問只是建議在大樓停車場入口位置加一個可開可合的圍欄，平時是打開的。

【曾鈺成澄清絕無決定加3米欄圍立會】
http://bit.ly/1yRoo6v
【政府倡設三米欄圍封立會】
http://bit.ly/1vmN75C

出現了
琴日邊個放料冇關係了，反正對手目的已達。。。

928 黃洋達係做得好好...

但宜家轉方向就現形

ArSo:衝要有目標, 出師有名, 有planning
剩係咁耐都打唔爆玻璃已經有夠狗衝
尋日所見, 防線鐵馬果D唔係唔想幫,
....... (2014-11-19 14:52)

同意，同埋都要講時機，點樣令到其他人 buy、「合理化」呢個行動都好重要

arso 你係邊區多

尋晚立法會 d 「村民」就慘囉，個邊不嬲都最靜、最好訓

長期都係解放軍對出天橋頂落番金鐘少少

ArSo:長期都係解放軍對出天橋頂落番金鐘少少
 (2014-11-19 15:17) 

今晚要去飲喎。

freezefox:今晚要去飲喎。[表情] (2014-11-19 15:32) 

我記得呀, 冇影響

尋晚行動果班咁既態度只會孤立自己
但唔緊要,佢地覺得自己係關鍵少數

但下一個隨意行動唔好問點解冇人支援

旺角禁令料分批執行
最快周四清亞皆老街段
下周清彌敦道段

執達吏昨日在金鐘中信大廈執行禁制令後，何時執行旺角禁令，成為焦點。 旺角佔領區涉及兩個路段的兩宗禁制令申請，申請「亞皆老街段」禁制令的小巴團體，昨已在報章登廣告公告， 多份報章引述消息指出，禁制令申請人今日將與執達主任開會，商談行動具體細節，料最快明日（周四）展開行動。 至於「彌敦道段」禁令，仍未得到法庭蓋章命令，估計有關路段禁令，最快要下周才能執行。

由潮聯小巴申請、牽涉旺角亞皆老街西行介乎通菜街至砵蘭街的「亞皆老街段」禁制令通告，昨日已在一份中文及一份英文報章刊登。 《明報》報道指出，警方會動員最少1500警力，協助最快可於周四執行的亞皆老街段禁制令。

另外涉及佔領區更大範圍的「彌敦道段」禁制令，由 的士業團體 申請，範圍是彌敦道介乎亞皆老街至登打士街一段。 由於上訴法庭較早指，禁令針對「接近及介乎」亞皆老街及登打士街，「接近」一字被上訴庭法官認為不清晰，禁令須先修改。

高院本周五將就此開庭，料會修改禁令字眼，以取得法院在禁令上重新蓋印，料將延至下星期才會執行。



禁制令又來了

senal:黃洋達呢條友真係機會主義者
尋晚十二點幾見住佢係大台個邊食花生，班o靚就日日不遺餘力追擊大台，由前排開始插陳小萍，到而家話要拆大台都一直不斷推波助欄 [表情]
 (2014-11-19 14:49) 

即係尋晚佢都有份？